Reduze計劃完結了

個減肥計劃已經完結咗...今日去番主辦單位磅重同量腰圍
好可惜...呢排我病...已停藥(始終係藥物...都係唔好溝藥食好)...所以一上磅...我重咗
其實唔係話重咗好多...只不過係重係啲衫褲度...天氣凍...啲衫褲厚啲...自然都重啲...因為都係重咗2磅姐
不過就算有冇重到...我都係未達標準...減唔到5磅...所以乜金都攞唔到...哈哈哈~~~
雖然我磅數冇乜變化...但係一量腰圍時...34寸...是的...我減咗5寸腰圍...呢個結果比起話減到幾多磅來得實際

講番呢隻減肥藥~~~reduze
咁實質...佢work唔work先
我覺得...佢係work的...雖然未達到我嘅減肥目標...但我都覺得佢係有效用
我只不過食咗2個月左右...其實食呢啲藥...最好以3個月為一個療程...效果會比較明顯
另外佢話到唔駛節食又唔駛做運動都減到
佢都冇呃人嘅...只不過要視乎你體質同新陳代謝快慢...而得出乜結果
好似我咁...我係新陳代謝慢的人...所以磅數方面係明顯落得慢
至於節食...其實係話你可以正常份量咁食...而唔係瘋狂食都可以減到肥

我覺得...如果你想效果快啲出嚟...配合埋適量運動同控制飲食...效果一定會更明顯更見效

另一樣係...我覺得佢對於減腰部嘅肉好見效用...尤其所謂嘅call機肉
我雖然磅數冇乜變化...但自覺腰部已經冇之前咁脹...啲call機肉亦明顯細咗

減腰減pat比減磅數...我覺得更為重要
磅數你唔講...人哋實際又點會知
但外形如果有減到...人哋一眼就可以睇得出
你同人哋講你瘦咗10磅...但外形冇乜變化
但人哋主動話你清減咗...但你話冇減到磅
邊一樣你會開心啲呢~~~

你問我會否繼續食...我會...雖然佢售價唔係平...不過真係work嘅就冇所謂
我諗我病好了我會食多一個月...都希望腰圍再減多幾寸