今天約咗兩個契媽飲茶...順便大比提早收聖誕禮物
大比開始記得契媽係一回乜嘢事...見到人都會主動叫"契媽"...但暫時仲未搞得掂..."winwin契媽"同"吹吹契媽"囉
winwin契媽知道大比要夾頭髮...所以買了靚靚髮夾
吹吹契媽就送了公仔...解開了可變頸巾
而我都有禮物收...吹吹送了我自制皂...話好正...沖涼後唔會皮膚乾又痕...哇~~~啱晒我
又食又拎後...就各散東西
我哋一家就去IFC行吓...去啲商場影吓聖誕擺設
搭船過中環發生了小插曲~~~
係尖咀等上船時...有個強國女人拖住過喼...係我同一個青年人之間攝過...完全都唔覺得有撞到人之感...個青年人都已經出聲講了句 : 離晒大普...我就同比爸講...唉!!!冇品真係冇品...你咪見過船俾你睇餐飽...但都唔駛視四周冇人架
落船之後...估唔到又要見多呢個女人一次...因為我有推BB車...所以一定等搭lift...點知lift一到...呢個女人又駛出佢啲攝功...一支箭拖住個喼匆入部lift...頂!!!八婆...今次唔會再俾面你...我即刻大聲喝佢~~~喂...排隊呀!!!出番嚟啦!!!雖然佢有出番嚟...不過等我哋入晒lift後佢又硬要再迫入部lift...如果我係最後入個個...我一定唔會俾佢搭呢轉lift囉...迫都迫番佢出去
出lift後...同行有一班鬼仔...只有其中一個同lift上...因為佢真在拎太多嘢...個位已經係lift入面同我哋講...話個女人類似不知所謂嘅說話啦...之後出lift佢join番啲同伴...另一個鬼仔就俾個"叻"手勢我...我好開心...但係就算冇呢啲讚美...我一樣都會出聲...因為呢啲人實在太冇品了...唔理你係強國人與否...冇禮貌就唔得
比爸之後話...個女人面皮都好厚...仲有面迫入部lift搭...係都下轉先啦...我話佢知要面的話...就唔會做出啲冇品格嘅事啦!!!
咪鬼俾呢啲人影響心情...去影相
逛完IFC...呢啲地方都唔係我哋消費得起...橫掂過咗海...就去工展會行吓...我哋先去食dinner先...然後襯人哋dinner時間...我哋先入場...咁就唔會太迫人
去工展會有目的架...幫我媽媽買孖人牌剪刀...係工展會先會做到最平...
買榮華臘腸...雖然冇買二送一時咁平...每包都貴3蚊...但上轉幫我媽媽買的都食得七七八八...所以雖然每包貴多3蚊...但都平過在外買...補吓貨先
最後就係買同珍蘇莓醬...外面唔係間間超市都有得賣...見10蚊一樽亦抵買...點知亞姐話30數4樽嘢...叫我揀埋其他款...最後買了兩樽蘇莓醬(一樽俾媽媽)...另買海鮮醬同辣椒醬各一...新年就到...到時用嚟點糕點食
滿載而歸...歸家去
沒有留言:
張貼留言