平安夜一如往年...邀請表哥表姐們上嚟屋企開P...冇乜嘢特別活動嘅...食吓嘢...細路仔玩吓姐
比爸今日放半day...我同大比係地鐵站join佢放工...先去尖咀醫飽個肚
自家制烏冬就嚟轉meun...所以啲飲品冇晒...得茶...奶茶同罐裝汽水...好彩啲食品唔係話冇姐
之後大比去了wxy店shopping...比爸話佢每次出街總有收獲
比爸去完海港城修眉後...我哋就去又一城...準備埋今晚啲食物
見大比瞓咗...就係又一城兜咗一個轉...俾佢瞓番粒幾鐘...佢瞓唔夠...今晚又會扭計
5點幾啦...好去買埋魚生就歸家...準備今晚開P
外賣壽司到咗...去埋PHD攞埋pizza...let's start~~~
小朋友有小朋友一枱
好多嘢食~~~
壽司(原來我哋訂個間係元綠嚟...乜仲有元綠咩...但個日行過間嘢好似唔係寫元綠...不過唔理啦...啲壽司OK就得)
魚生(係又一城taste買...有番一定水準)
PHD(pizza...炸雞...意粉...焗飯...小食拼盤...忌廉湯)
奶奶整的沙律
細姑媽整的芒果布丁
兩年前買落嘅果汁味汽酒
仲有就係比爸係公司攞的半島蛋糕(人哋送禮到公司...鬼老老細就要酒...食物就唔該啲同事搞掂佢)
呢款蛋糕我麻麻哋...提子乾乾果整成...大比雖然愛死蛋糕...但不愧係我個女...佢一樣唔愛呢款味蛋糕
仲有半島朱古力
朱古力就好味得多...可惜得幾粒...手快有手慢冇
大比食炸雞食得幾好味
壓軸時間嚟...係細路先有份嘅...抽獎時間
比爸話與其要諗買乜禮物...不如俾現金
有4個利是封...10蚊...20蚊...50蚊...最大係200蚊
睇吓邊個好彩啦!!!
比爸笑說...大比抽到200蚊...要歸還...哈哈哈~~~
琳琳表姐好搞笑...問邊度嚟4個細路...哈哈哈
佢已經當大表姐係大人了~~~應該不得參與
抽號碼...一人一封利是
好緊張呀...邊個得大獎呢
哇!!!琳琳表姐好好運...抽到200蚊現金獎
大比都好彩...抽到二獎50蚊
大表姐就抽到20蚊...話唔係最低個個就開心
表哥抽到10蚊...呆咗!!!
仲俾人笑平時成日問爸爸媽媽攞10蚊...而家得償所願啦!!!
佢始終仲細...對錢銀多少未太上心...有已經好滿足
大比抽後第一時間放入佢個夾萬度...哇~~~一吓子多咗幾多錢
飲飽食飽連獎都抽埋...好快就到尾聲
我因為支甜酒甜甜哋...飲咗4杯就瞓抵咗...回房大覺瞓...比爸仲話我唔好咋死...仲有衫要洗
之後仲俾人笑...我呢啲酒量"咁鬼好"嘅人...出外都幾易呃...連落藥都慳番
傻啦!!!出外...我自己知自己事...不會亂飲酒嘅
之但係...今次在家...都會飲出事~~~
好醉...之後再講