Chicco Simplicity

屋企有兩架BB車...早前放售...原本諗住有幸生多個...就keep住用...不過見冇乜消息...算吧...騰出地方想買個書櫃俾大比好過

 

之但係...比爸話...現階段冇BB車...其實都幾攞命...所以左諗右諗...賣了兩架換番一架囉!!!

 

最後就決定買Chicco Simplicity

 

佢冇P3咁重...我還可以一邊湊住個女...一邊拎佢

佢冇輕身嘅BB車咁飄...大比大了...坐輕身的BB車...會好難推

呢架就啱啱好係兩車之中...見最近話做緊減價...就買呢架啦!!!佢嘅大購物籃係我至愛

 

不過顏色方面就真係有點揀唔落手...

一就全黑...之後要放市場會細...好多人都鐘意有點色彩

一就黑紅...紅色我就麻麻

一就灰白...呢個我梗唔會諗...一嚟會易污濁...二嚟冇現貨...排隊等貨都要等到出年二三月

最後我揀了黑紅...好彩仲有兩架存貨

呢款車都算叫幾好賣...可能因為價錢唔算貴...但又幾實用

 

等裝車期間...大比去咗坐"的士"先

 

去攞車...未買時叫大比試坐...大比話唔好...而家買咗...叫佢坐上去...嘿~~~佢話舒服...而且好快瞓著埋添...始終都係大車比細車好...之前佢坐P3...一樣都係坐得好好

 

大比瞓咗...我哋可以好安心慢慢行街...去宜家睇吓啲書枱書櫃...再回家量吓如何安置

 

宜家做緊買公仔捐款行動...路X西就冇晒啦...不過有我都唔會買...最後買了大象俾大比...希望佢會鐘意啦

 

睇吓佢同大象咁friend...就知冇買錯

 

大比原來唔係唔鐘意玩公仔...只不過佢要玩好似佢個人咁大嘅公仔先啱玩(今天早上係學校個party發現呢回事)...乜都要~~~大大~~~

 

書櫃雖未買到...但就買咗set枱chair俾佢...呢啲方便收埋又慳位...大的書枱佢未啱用...細的用多兩年又話唔啱...而且都唔平...呢啲百幾蚊夠實惠...就算第時佢唔用...我哋都有其他用途啦

 

 

同大象真係好friend...又要陪坐...又要陪瞓~~~