有得食好食啦

估唔到...小豹未出世首要任務係~~~節食
你亞媽我...雖然成日把口話要減肥
之係次次一講到要減食節食
基本上係唔會work
不過今次...唔work都要work
明天見完營養師後
就要小心飲食
唔好話美食啦
我諗連有營養嘅食物都要cut cut cut

所以今日...就盡情食番夠本
早餐先嚟個腸旦牛肉公仔麵加多士
lunch都諗好架啦
食燒味飯
至於晚餐...不嬲都係唔食多同是是旦旦

其實我大肚至今真係唔係重咗好多
都係23磅左右
但唔明點解亞B會過大超重
唔通佢真係咁好人吸收咗我儲落嚟嘅脂肪
我老豆老母覺得見我個個醫生應該係實習
有乜理由我係會有問題喎

我有睇開私家
醫生雖然有話亞B係中碼偏大少少
但就冇同我講我要節食
下個星期再睇
同醫生講吓
睇吓佢俾乜意見我

不過點都好
減食就一定要做
如果唔係...下星期入院check
唔合格就唔俾出院
咪搞我...呢樣我玩唔起
都係乖乖哋忍吓口
可能咁樣一減
今次我可以極速收身呢

日子過得快

隨住聖誕節就來臨
2014即差唔多結束
時間過得真係快
咁樣又過一年

我個肚亦開始進入倒數階段
最後呢兩個月
驗查就特別多
每星期都有一次
加上而家冇咗雙飛父母
確實係少咗好大肚婆
醫院冇咁忙
我哋呢啲本港孕婦都受惠多啲
多項驗查確保BB健康成長
又或者已屬高齡產婦
驗查多都唔出奇

3年前陀大比
都冇咁多嘢驗
而家又要飲糖水
仲要飲兩次
最後個次澤界
雖然唔駛入院接受觀察一日
但就要我再照超聲波睇胎兒size
睇吓會唔會過大
醫生亦叮囑我唔好食咁多碳水化合物嘅嘢
唉！年紀大，運動少
乜事都多啲

今日就係返醫院check baby size
過大的話有機會要你開刀
之前陀第一胎
就希望開刀生
而家反而聽到要開刀
會有啲唔願意咁囉
自然分娩復完得快
開刀的話
睇醫生手勢好唔好
之後傷口痛
要湊BB都幾辛苦
除非你產後有人幫你手啦
我呢啲要親力親為嘅
就梗係越快復元越好戈

********等咗兩個鐘，終於輪到我睇********

照完超聲波
一般人就走得
但係我呢
俾醫生捉住
亞仔size過大
我要見營養師
要跟餐單飲食
仲會被安排入院大半日
食醫院餐，驗血糖，抽血
唉!點解要咁呢
我好似冇暴飲暴食喎
都搞成咁
講真，之前陀大比咪仲激
重成50幾磅
不過好明顯係
個時我全身暴漲
而家就漲係個肚度
係如我所願肥佢唔肥我
但原來肥係邊個度都一樣麻煩
手揸住一張張覆診紙
由每星期有一天返醫院
而家變成每星期返兩次
求神拜佛
希望我唔駛提早係醫院過夜啦！

暑期玩玩玩之約同學仔玩樂一天

雖然只有短短十日嘅暑假(已包埋星期六同日)
但對未懂得暑假係咩一回事嘅大比嚟講
已經係非常滿足
假期咁少好似好殘忍咁
不過諗深啲
俾佢哋係咁易輕鬆吓
新學年開始時
唔會太難適應番返學生活
其實唔算太差姐

難得個女有假期
雖然今個月我都請咗唔少假
不過同老細關係好有人情講
所以都仲可以請到兩日假陪吓個女
陪吓佢玩番兩日啦

原本都頭痛緊唔知帶佢去邊度好
大熱天時...我又大住肚
所以唔想安排啲咁辛苦嘅活動
你話有爸爸幫吓手都仲可以
但係爸爸冇假請呢
點知好好彩
今日放暑假第一天
得到同學仔YY邀請去佢屋企玩
哇...呢啲活動
佢哋happy時我又可以舒舒服服
梗係接受邀請啦

我哋朝早先約埋一齊食早餐先
食飽飽先有氣力玩架嘛
然後就去咗冒險樂園個波波池玩
YY媽媽好鬼勁嘅姐
佢一早已觀察好個波波池幾時係少啲人玩
所以佢就建議我哋食好早餐就先玩呢個活動
人少少易啲睇得住小朋友
而且佢哋都會玩得開心啲
大比好少去呢啲地方玩
因為佢怕死...怕俾啲波波淹沒佢雙腳
要有人陪佢先夠胆玩
但係我哋大人就算肯陪佢又唔會玩得耐啦
係我哋自己想走先囉
但人哋60個金幣可玩全日
大佬...唔駛你玩足全日
但玩番個幾兩個鐘都叫抵番先
如果要我哋陪玩
半粒鐘已經夠皮收隊
今日fit晒...有朋友仔陪佢
真係可以玩番個幾鐘

玩到差唔多開始人多時
我哋就散水走
跟住就係去一個免費又舒服...又唔會有悶場嘅地方
就係YY屋企啦
YY屋企好勁...勁多玩具
就算全日待係佢屋企
好似係玩具反斗城咁囉
啲玩具玩極都唔完
所以啲細佬冇話會悶而且次次都唔捨得走添

YY媽媽好好客
經常都會邀請啲同學仔朋友仔回家玩
其實如果我有自己嘅地方
我都鐘意請朋友嚟
大人有大人吹吓水
小朋友又有小朋友陪玩得一餐
可惜我暫未有咁嘅本事
努力啦...希望有天可實現
不過我有時都怕怕哋去人哋屋企
始終覺得會打搞到人哋咁
如果有來有往心理上會好伙
你嚟吓我度...我去吓你度
好...努力努力...加油加油
實現個夢想先

坐定定食包包


睇碟有埋小食
呢啲咁照顧周到嘅服務去邊度搵


今日兩位小朋友都好乖
一齊玩一齊分享


滿足嘅一天好快過去


玩到下畫五點鐘
真係要走啦
因為今晚我要煮飯
要去街市買餸
大比就梗係有啲懶皮唔想走啦
兩個小鬼其實都玩到累累哋眼瞓架
但係為咗爭取每分每秒玩樂時間
頂硬上都要

大比一上小巴
就已經呼呼大睡
傻啦...我點會俾佢瞓得咁舒服
到步後叫番醒佢
唔好諗住我咁勇猛可以抱住佢又買埋餸
以前都唔得
而家就梗加唔得啦

見到大比今日玩得咁開心
今日放呢個假都算值得

大比第一個暑假

返埋今日
N班的生活就要結束
開始放暑假了
9月開學
大比就要升K1班啦
佢就梗係冇乜特別感覺
我就覺得...時間過得真快
個女又大過咗囉

呢一年嚟
大比除咗係學校學到基本智識外
最大得著係品格同自理能力都得到好大改善
老人家話咁細個就返學
有啲家長就會話返全日唔忍心好陰公姐
對我嚟講
因為我要返工
冇咁多時間同心機去照顧佢
叫老人家湊或者俾工人姐姐湊
老實講...老人家湊...始終係長輩級...係你媽媽都可以有啲要求...但係如果係99呢...你要求得幾多呢...加上老人家多數會縱同好鍚佢哋...所以品格同自理唔會好得去邊
如果係工人姐姐...你都可以有要求佢哋點去照顧你小朋友...不過始終係工人...又要打理屋企又話要教你小朋友...邊顧到咁多嘢呀
返半日班或playgroup
對我嚟講又係冇意思
所以一開始我只會報讀全日制
好好彩又俾我入到間好學校
就嚟多隻鬼靈精出世
大比而家嘅自理力能足夠我做少好多工夫去照顧佢

至於學術方面
暫時我覺得大比都學得唔錯
起碼佢有興趣先
你話學咗幾多嘢
總之學校教乜就學乜
同其他人比喎
冇咁嘅需要囉
擔心佢學得唔夠
冇乜好擔心
總之日後嘅路由佢自己創造慢慢行出嚟
我只會從旁協助而唔會幫佢鋪路或者催谷佢成為點樣點樣
返學讀書係開心...係有興趣而推動你
我唔想佢覺得會有種無形壓力同威逼感而返學
由大比開學喊到傻
到而家佢係鐘意返學
真係另到我又放心又開心

下學年升高一班啦
雖然唔駛擔心佢要適應學校生活
但都希望佢能夠循序漸進發展良好
亦希望佢繼續開開心心鐘意返學
當係幫我減輕吓負擔啦
因為我又要train另一隻小鬼頭

N1結業了

話咁快...大比就嚟完成N班了
今日學校就舉行結業禮
祝賀一班將要升小一的畢業生外
仲有頒獎俾一班年內有好表現的乖乖叻叻學生
還有就係各級的表演
上次錯過一次大比可以上台表演的機會後
今次一定要出席
一齊高興吓嘛

結業禮係借用一間小學嘅禮堂

典禮十點鐘開始
但我哋要先帶小朋友俾老師作準備
比爸今日長週要返工
所以先返公司交帶好
我就同大比食好早餐再join爸爸

係路上遇到好朋友仔
就一齊手拉手唱住歌行




禮堂門口已堆了好多家長

天氣又熱...大人細路都一身汗
但係啲細路見到朋友仔
熱又駛乜驚...最緊要玩番陣先





呢兩個人仔
有時糖痴豆(好似而家咁攬頭攬頸)
有時水溝油(係學有時會講...今日我唔同你玩呀)


小朋友嘅友誼係最純真嘅

 

 

好啦...終於可以入禮堂...有得涼冷氣啦


因為冇指定坐位...真係入得快就可坐得近

先係回顧吓一年嘅快樂時光


跟住就係一班畢業生上台
唱吓歌...多謝校長一班老師同嬸嬸多年嚟嘅照顧同教導

然後例牌會請校長同嘉賓致吓詞

又有一班小詩歌班唱吓詩歌

大比咁鐘意唱歌
唔知下年有冇機會入詩歌班呢

接住就係各項頌獎禮
好多家長都好期待呢啲歷史性時刻


大比攞到優異獎

 

 

 

講真...佢都唔知係乜嘢一回事
係做家長嘅我哋仲開心

再嚟就充攞親子閱讀嘉許獎






能夠培養到閱讀興趣非常之好
希望大比能keep住落去

頒完所有獎後
就係各級學生嘅表演

我哋第一次欣賞大比演出
好期待...好開心

 

 

好彩大比都表演得唔錯

典禮完咗
就有大食會




同埋老師會派番呢年嚟嘅身心發展及學習報告
以及小朋友係學校所有做過嘅手工習作
如果唔係比爸要返工
我又要去睇醫生
會留係度食嘢...等大比同啲同學仔玩一陣嘅


好有鼓勵性嘅一張獎狀

除了獎狀外
仲有份少少禮物





希望大比可以一直對閱讀書本有興趣啦
係真係一本本嘅書...而唔係電子書囉...hehe~~~

又老一年囉

而家生日...冇以前咁期待會去邊度慶祝...會收到乜嘢生日禮物
只要一家人齊齊整整...開開心心...已經好滿足
其實今年上天已經送咗份大禮俾我啦~~~小豹
以前嘅生日願望都圍住自己想點想點
而家...期望一對仔女健健康康...開開心心就最重要
不過如果有幸俾我發埋達就加更好啦
人始終係會貪心架嘛

是的...今年生日平平淡淡咁過
冇放假...冇安排節目...冇食乜嘢大餐
我冇覺得有失落感
睇你心態如何姐
我仍活著...一家人仍然開開心心...好足夠
如有額外的...就當係自己平時積福所得番嚟嘅Bonus啦

不過我仍會努力爭取好生活...等一家人更開心幸福

在政府照結構

以往政府多人搶床位
醫護人員真係忙到想死
所以有好多檢查都叫你去私家驗分擔吓
陀大比個時我係要去私家度照完結構攞番份報告返政府
照一照就成千八蚊
其實幾肉赤架
但為咗大比安全穩陣起見
你點都要駛呢舊錢

不過而家冇咗雙非
政府唔駛迫爆咁多人
其他醫院好似都話會免費照結構
但廣華都要你預產期係35歲先會免費幫係照
如果唔係都係要出外俾錢照

以為今日又係要等餐死
但原來照結構係好準時架
約你幾點到診就差唔多係個個時間照
所以一定唔可以遲到

雖然係政府照冇私家個啲3D/4D
但醫生一樣會清清楚楚話你聽BB情況係點樣
五官四支體內氣管一一講你知正唔正常
今日可以至確定我真係冇聽錯
係仔嚟...有啫啫囉

大約15分鐘就會照完
聽到一切正常生長穩定
都暫時安心晒
小豹...你要健健康康哦~~~

輪到政府的第一次產檢

今個星期好忙
一個星期裡面要做三次產檢
今日就輪到係廣華做第一次產前檢查
又係指定動作...等...等...等

book好九點十分到
放好到診紙
啲姑娘醫生真正開始工作時間為9點9至10點
不過你唔好諗住遲啲嚟
因為你嘅先後次序係睇你放到診紙次序
你遲嚟咪一樣之後要等睇証
不過你如果係book十點但你早到的話
都唔會俾你早啲睇
姑娘一樣會將你排番係適當時間

我算係頭幾個
所以一開工就可以睇先
量血壓...量身高...磅重...驗小便...抽血
呢啲係基本程序
搞掂好就等入房見醫生

見醫生又係會問你身體狀況...病歷等等
因為我不嬲都係廣華睇開醫生
所以大大小小嘅報告已經係我file內
醫生一check就乜都知
算叫慳番唔少工夫
只係之後有耳水不平衡
呢樣就要報告俾醫生聽啦
之後就係瞓上床驗BB心跳...醫生按肚...聽我心肺功能同驗胸部
只要冇乜問題
好快就走得
等攞下次到診紙
(***有一樣重點係...如果你老公冇陪你嚟睇...你記住要帶埋佢張身份証...因為姑娘要對資料...你自己同你老公嘅都要係正本***)

以為走得之際
點知原來有講座要聽
之後我陀大比個時冇咁好服務架
梗係...當時本地...單非...雙非...多人到暈
姑娘都做到頭晒暈
邊得嚟咁多講解喎
而家一望埋佢大多數都係本地媽媽
間唔中有幾個單非啦
其實我唔想聽架
因為係講產檢嘅程序
我唔係第一胎
基本上都知到八八九九
想話去攞到診紙走先
但文員姐姐話聽埋先啦...好快完
好快完但都講咗半個鐘有多

終於攞埋覆診紙啦
可以走得
咁樣又半日

唔知係唔係已高齡呢
今次我要飲糖水驗妊娠糖尿
上次我唔駛飲架
聽講話好難飲唔知係唔係呢

上次我好彩可以入助產士小組
今次冇得入囉
不過其實有冇得入都冇乜分別
佢哋只係分流啲工作量姐
如果入助產土小組
生個時都會係睇開你個班姑娘幫你接生
但都要睇當時你生會有乜情況發生
好似我生大比個時
有突發事件
未又係唔見晒啲助產土

都係個句啦
你要服務到家要去私家
洗得起錢就乜都有
但我比較實際
洗得起都要洗得值
我覺得廣華好OK
以前床位咁緊張都唔差
何況係而家
所以留番啲錢俾亞B用仲實際

多謝上天送我小白馬

等咗三個幾月...終於等到睇第一次私家產檢
我睇呢個醫生係要等好耐...冇計
因為佢收費平...就算而家加咗價都係300蚊一次診金
而且仲連埋一包維他命丸同一包鈣片添...仲有邊樹有咁抵
平嘢唔一定唔好...不過你要浪費吓啲時間囉
Book好時間到達後...都仲要起碼等差唔多兩個鐘先見到醫生
所以睇你耐性啦...如果冇耐性
我上一胎試過去中環睇...真係book好時間等一陣就可以見醫生
不過成千蚊睇一次...你要時間定金錢囉
另外...如果你想睇啲先進儀器
咁就一定要去啲收費有番咁上下嘅診所
我而家睇開個間...只係好普通嘅超聲波
我自己覺得冇所謂...睇唔睇得清楚唔係重點
只要醫生夠專業就得

今日book了11點半...等咗一個鐘頭九個字就輪到我
醫生了解一輪我嘅懷孕情況後
就準備等睇超聲波
呢個醫生好恨架...要走兩間房
一邊做準備時...另一邊就幫人睇証
真係一分一秒都冇浪費
瞓係張床度...冇第一次陀B時個種緊張架啦
只有擔心囉...希望個BB唔會有乜問題

睇開呢個醫生...就要知道一定要留心聽佢講乜
佢睇得快次餘...因為帶住口罩
所以會偏向細聲...真係唔樹起個耳仔嚟聽
分分鐘唔知佢講乜

一嚟照就話你知係仔定女架啦
你唔駛問...除非你事先話唔想知道性別啦
我應該冇聽錯...醫生指住個mon
""呢個係啫啫...啫啫嚟""
即係男仔啦...我應該唔會將""冇啫啫""聽為""係啫啫""啩
我冇問清楚...因為之後嘅重緊要
五官係唔係端正
頭部發展正唔正常
身體各氣管內臟正唔正常
手腳正唔正常
呢啲一切一切比起是男是女都重要
經驗老到嘅醫生係唔同
要亞B點轉就點轉
要睇乜就睇到乜
一切正常...我可以安心啦

當我仲1516是男是女之際
我老公已經係Facebook一早公佈
哈哈哈...而家但願我冇聽錯啦
唔係就大大獲囉

雖然話男仔女仔冇所謂
不過偏重一個的話
都希望係男仔
有咗女...就想要個男
正常人都係咁諗
加上家人上上下下都好希望呢個男仔
不輪我之後會唔會再生
暫定二個就夠晒數架啦
不過世事嘅唔好講到咁絕
留有後路好...封唔封肚...上天自有安排

如果我真係冇聽錯的話
呢個馬仔...一定比大比更萬千竉愛在一身
不過我可以講
如果兩個我要偏心一個的話
我一定係錫大比較多
但都只會在心裡...希望我能做到公平啦

估你唔到之優異獎

今日有幸出席大比學校的聯校畢業禮
當初收到請柬時
以為係每班抽啲家長同學生當係派代表去觀禮
老師仲同我講
知道我同比爸星期六都要返工個隻
所以都希望能抽到時間出席
因為機會好難得
我諗住應承住老師先啦
個日比爸係長週睇佢個款都未必去
而我呢...8月份我因為好多產檢要做
都要請唔少假
未必請到假去

到咗晚上
終於有時間打開請柬睇吓
入面有張通告詢問家長出唔出席
我就whatapp個媽媽group
睇吓會有邊個去
點知啲媽媽話冇收過
當我準備話唔出席時
再睇清楚啲張通告
原來大比係攞優異生獎才獲邀出席的

大比攞優異生???我係唔係發緊夢... ...
張通告會唔會派錯
最衰就係張通告冇寫名架
當我同老公講時
比爸第一反應都係...""你有冇睇錯...佢會攞獎...係唔係人人有份攞架""
同我99講...佢反應係好開心...梗係...佢覺得佢個孫係very good...攞獎唔出奇
同比婆婆講...佢反應同我哋一樣...""個個臭妹丁攞優異生???憑乜嘢呀""
我都想知佢憑乜資格攞

之後我先發現仲有其餘兩位同學會攞
究竟一班有幾多個會攞
我真係冇問清楚老師
我只係問過老師...點解大比會攞獎
佢都係算班中嘅曳學生...憑乜嘢攞???
老師話雖然佢仲有好多地方可以改善...做得更好
但事實上佢學習能力真係明顯比較高
好多嘢都係講一二次就明白同記得
各方面發展良好都得到其他老師同校長認同
所以佢攞到獎係合理

學比爸話齋
唔再深究點解佢能夠攞獎啦
講真今次攞完
下年或以後都唔知仲有冇能力攞
呢啲咁難得嘅嘢...歷史性嘅一刻...當係bonus啦

唔好理呢個獎認可性有幾高
我哋已經覺得好開心
所以點都會出席呢啲難得嘅機會
畢業禮係理工大學的賽馬會綜藝館舉辦(我真係同賽馬會好有緣姐)

  

以下係大比集郵時間
帶住比爸去同啲老師&嬸嬸影相

兩位對大比付出好多愛心耐性的班主任
黃老師

 

同Miss Wong


其他經常都會照顧大比的老師
徐老師

 

黃老師


教大比英文的teacher michael


教曉大比好多自理能力的嬸嬸笑姐


其餘有份攞獎的同班同學仔

 

 

大家都有個共通點...好活躍


表情多多的大比

 

好啦...準備排隊落去禮堂


佢哋唔會同家長坐先
直至頒完獎先至會同番家長坐

最擔心嘅事始終都係會發生
開始跟老師時就冇乜嘢嘅
仲係開心鬼靈精

 

不過之後好快就死喊爛喊要跟住我哋
氹極都係得個吉


最後話知佢
叫老師帶佢走
老師有辦法令到佢唔會喊架啦

今年主題係環保
呢個係大比學校其中要做嘅環保主題~~~綠色未來

 

每間學校都有一幅畫
係由畢業嘅小朋友一同製作

  

畢業禮開始


各嘉賓上台演講及嘉許




畢業代表上台演講


之後就輪到我哋期待嘅一刻~~~頒優異生

大比個班一共有6個小朋友得獎


準備上台


好彩大比冇喊有得上台

  

我哋坐得都幾遠
所以都係影得好細粒
不過好彩比爸有部靚相機
可以放大嚟睇都唔會檬
睇吓大比影相個表情幾衰
正經啲好唔好
你以為好似之前係學校行catwalk show擺pose影相咩




頒晒獎
之後就係各學校畢業生嘅表演時間
配合番個主題叫小朋友要愛惜環境...保護我哋嘅地球
大比睇到好入神
佢最鐘意睇歌舞表演
因為比爸要返公司所以走先
冇咗佢部相機
所以冇影到相

呢個優異生獎
對我哋嚟講係一個好大嘅鼓勵
不過唔會因為今次攞到
而要求大比年年都要攞
呢個係一個美好嘅回憶
就算之後攞唔到
但都會俾到大比一個動力
你曾經係叻叻豬
所以只要你乖乖同有努力過
一定會有回報的