大比開始放假但外婆著咗草

大比學校今天起開始放假...原本諗住叫比婆婆湊佢...但外婆著咗草返大陸...咁我就帶埋大比返工...橫掂而家公司都冇嘢做

 

不過老細都係怕咗我...叫我由今天起放假湊女好了...放到大比返學我先返工

有假放我冇特別開心...返工我仲有地方可去...放我假...都唔知帶大比去邊好...仲頭痛

點解唔留係屋企...哈哈哈~~~

 

係公司消磨咗一個上午...下午就諗吓帶大比去邊好

諗住去pizza hut食下午tea...所以同大比行咗一陣玩具街

大比見到各式各樣玩具好開心...雖然唔係玩具反斗城個啲又靚又新潮...但一樣都能吸引住大比...一路睇一路講係乜...又話邊樣屋企有

最後買咗fishing games...因為之前學校x'mas party送咗套簡易版...見大比都鐘意玩...就買個有挑戰性同考耐性嘅俾佢玩啦

 

之後再買咗一包kitty吹氣波波(for聖誕party用)...同埋買咗架米奇版的消防車

好啦...夠鐘下午茶

點知去到pizza hut...waiter話聖誕節期間冇套餐...全部散叫...即係lunch/tea都冇晒...懶得再諗去邊度食...算吧...散叫就散叫

 

食飽後...就同大比搭叮叮去誠品睇書

去到兒童天地...大比好興奮本本都攞嚟睇...又叫我講俾佢聽

佢見到人哋坐係度睇...佢又要坐...不過唔係時時都有位嘅...冇時佢話冇晒坐...冇得睇...哈哈

 

在大大小小的書中穿梭

 

 

 

最後揀咗呢本"小雞過生日"

呢本書雖然故事簡單...但係啲畫好靚...從畫中可以學到好多嘢...其實幾實用的

 

本原佢仲想買多一本叫"便便"的書

但我話每次只可買一本

下次再嚟再買過

所以今次只係同佢睇咗入面啲內容

想擁有...下次先啦...下次佢睇到又繼續鐘意...先再買

 

好啦...5點了...要回家...啲人就嚟放工好迫架啦...加上今晚家屋做節食飯...回家後沖埋涼...舒舒服服食飯去