睇恐龍

唔想又係逛商場...但係去邊好呢

睇恐龍...唔知大比驚唔驚架...亦唔知有冇飛賣入唔入到場...出去搏一搏

 

因為好多學校都放假關係...所以都唔少家長帶小朋友嚟睇

其實學生放假姐...乜家長都放假咩...定係真係有好多人唔駛返工架???我哋真係辛苦命

 

排咗約20分鐘等買飛...4歲以下唔駛錢...成人一位25蚊...如果睇埋常規館就40蚊...是旦啦!!!睇埋

點知俾完錢...發覺好多家長都申請年票...好著數咩~~~去八吓...原來家庭年票200蚊...可包四位成員...一年內任去市政局七間乜乜館...除咗一啲好特別嘅展覽講明要另收費...基本上已包晒所有門票...計完條數...年票抵...因為我覺得如果大比真係鐘意睇恐龍(如果佢唔驚)...下次可以同比爸再嚟睇一次...轉個頭就走去申請年票...又排隊等20分左右...之後又要申請退票...因為我已買咗門卷...今日一申請即刻可以用...唔駛另再買飛入場...唉!!!剩係搞買飛前前後後都成粒鐘了

 

終於可入場...好都驚大比話睇一陣就走...點知出乎意料外...個衰妹鐘意睇喎...不過我覺得佢都有少少驚嘅...我抱住佢...佢就定好多

 

 

見到好多小朋友摸...佢就放心又安心摸埋一份

 

 

場館唔係好大...不過因為多人...所以都要慢慢攝吓攝吓去睇

係咁易睇過晒就走啦...因為我抱住大比好攰...又要避啲細路橫衝直撞

點知大比唔捨得走...一直叫"睇恐龍"..."睇恐龍"

後尾出穴法寶...去玩具反斗城去唔去...玩具反斗城比恐龍更吸引

 

小朋友放假...加上聖誕就嚟...所以平日嘅玩具反斗城都熱鬧上嚟...大比一如以往處處都留下卻印

玩咗一輪...差不多又係放工時間...要襯唔多人前好回家啦!!!

平時係尖咀唔會揀搭巴士回家...比爸一定坐的士...但今次得我同大比...而家未有太多人搭車...加上我見大比都攰...搭巴士有點時間俾佢瞓一覺

 

今次係玩具反斗城買了份玩具俾大比...其實唔可以講係玩具...都幾實用吓

因為開始教大比儲錢...想買啲有趣味性嘅儲錢機...搵到...呢個都唔錯...價錢都可以買得起

 

同大比一齊玩儲錢...大比好興奮...而且好緊張佢個錢箱添

其實佢想買杯嘅目標已達到...不過佢好似唔記得要買咁...好啦...就繼續儲落去...滾大佢~~~

 

食晚飯時...大比又扭去睇恐龍...有冇咁鐘意呀...下次啦...下次再去睇...橫掂買咗年票...不過大比死都唔肯...要而家去...最後同佢講...恐龍都要返屋企架...成日都企係個度俾你睇咩~~~現階段...呢啲說話仲可以呃到吓佢嘅