大比的"悅"讀計劃開始

每隔個星期四...放學後就可以係學校借一本圖書回家睇...睇完後就做一個簡單的"悅"讀報告...一個月兩次...直至學期完

 

如果係正常時間接放學的家長...仲可以陪伴子女係圖書角一齊揀書...可惜我呢啲全職媽媽沒有太多時間...所以唯有靠老師代勞...但我都希望可以抽到一兩次機會...陪大比一齊揀圖書

 

每個學生都有一本記錄冊...一個年度有20次悅讀報告要寫

 

打個掌印...遵守承諾

 

一啲簡介...如何陪伴親子悅讀及其用處

 

參加計劃的規則

 

一晚已經可以同大比做個悅讀報告了

其實人哋有差不多兩星期時間...等你慢慢陪伴悅讀的

我咁快搞掂唔係因為懶...是是旦旦

係因為...大比借的那本書...我家中已經有...而且佢係半年前已經用咗一個月的時間睇了...所以今次再睇返...佢都記得晒...我真想知道...呢本書係老師揀給她...還是佢自己揀的呢

 

大比好努力做佢份"悅"讀報告

 

真係好簡單咋...填填顏色咁

寫都唔識寫...難道真係要佢寫份讀後感出嚟咩

真係要寫...都係家長寫的...咁就冇乜意思啦...迫家長做功課

 

主要目的都係培養小朋友對讀書的興趣...家長要hea做或用心做冇人管得到...不過難得有呢個機會...就抽點時間陪陪小朋友...日後得益者不是他人...而係自己的小朋友呢

 

完成了

 

日期同書名雖然係家長寫多...但我捉住大比隻手寫...佢覺得好新奇刺激...希望培養佢"讀"外...還可培養埋"寫"

 

***** ***** ***** ***** ***** *****

 

揀圖書時發生了小插曲...老師陪大比揀完後...老師叫佢放入書包...回家同父母一齊睇...但係大比好堅持要即刻睇...老師唔準...佢就發脾四...又大叫...又大喊...當時我在學校門口等佢放學的...我都聽到

老師控制到佢情緒後...才俾佢放學...之後就同我討論有關佢情緒問題

佢由細可以說被縱慣咗...以為一大叫大喊就要乜有乜...因為家裡的人都怕佢喊...所以一切都依佢

我都知呢個方法係唔正確...其實好多都家長都知道...但係好多環境因素...都令到你不得不屈服...長輩就是其一了

三歲定八十...想想看...如果自己有點福氣...可以說還有慢長日子對住自己個女...不想將來自己抱怨...後悔的話...發覺問題嚴重性...說我對長輩冇禮貌好...對大比嚟講我係衰人好...都要正視嚴厲對待大比...不能縱

而家返咗學對我嚟講仲好...因為老師同我都會同一陣線...對教好大比會易好多

好似佢今次咁...老師都叫佢企埋一邊冷靜吓...唔再叫唔再發脾氣後先至再慢慢解釋

我而家係屋企都係咁...佢一無理取鬧...又喊又叫...我就唔理佢...叫佢企埋一邊...任得佢繼續發癲
期間第一個抵唔住就係佢(女麻)(女麻)...又氹又呵...我不能連我99都丙埋嘛...眼不見為乾淨
第二個就係我老公...佢會比我99等耐少少先出手氹掂個女...老公...我就可以丙...不過都講了好多次...我慳番啲口水好過
好彩我個女有性格...唔係人哋氹佢就搞得掂...佢點都要等到我睬番佢先至會平復番心情...亦即係只有我說話佢先至聽得入耳...咁對我嚟講算叫有點運...可以將佢教好些

大人細路...發脾氣時真係講乜都冇用...所以都係等佢哋冷靜落嚟先慢慢再解決...對小朋友第一真係要忍心...等佢冷靜的同時...你自己都會冷靜...平服自己心情然後找對策...這才是雙贏

遷就~~~只會佢強你弱

大家都發脾氣~~~就梗加係total loss

你話在街如何呢...我一樣堅持我嘅立揚...唔會因為驚旁人嘅眼光就妥協個小朋友...不過我知道好難做到的...一對一就還可以...但如果多個人在場(例如老公)...就好快"抱氹呵"了

 

雖然我惡...但慶幸大比未當我係衰人...因為我軟硬兼施...真的放了好多時間係佢身上...曳時沒情講...你乖乜都好商量

 

小朋友學習同時自己也在學習中...真係沒錯