買了部攪拌機

每天都要煩早餐食乜好...食得太多...lunch時又未肚餓...但又要食...又要繼續煩

 

諗到...不如自制杯果汁做早餐啦!!!健康又能配合我瘦身

 

所以就去買咗部攪拌機...細細架...約240蚊...有兩個500ml嘅杯...而且呢隻仲可以打碎冰...夏天時可打冰沙...做思樂冰

 

我買了豆漿(低糖的)...仲未接受到冇糖...我驚我飲唔慣...遲吓慢慢再改...整好一盒木瓜

 

就咁加啲木瓜...加啲豆漿...攪拌...就有杯好味的木瓜豆漿了

 

我呢啲唔食生果人仕...就非常之good...木瓜纖維多...而且正氣...又帶甜味...所以杯嘢好易飲

早上食生果...對腸道健康最好...之前我都有講過食生果的blog...可以去睇返

http://anbesiu.blogspot.hk/2013/10/blog-post_2317.html

 

我飲咗兩日...第一天已便便三次...第二天就便便二次...感覺好似幫我清潔入面啲垃圾咁...但放心...唔係爛爛的...是正常...唔係肚屙架

我都有俾埋大比飲...對於小朋友唔食或少食菜同生果...呢個可補充到部份(咁梗係最好食菜啦)...便便都易啲

比爸都跟埋我飲...不過對於呢啲早餐豐富慣的人...佢話到咗十點幾就開始肚餓...好難捱到lunch...見暈添(真誇張)...但佢都有繼續飲

 

而家天氣凍...唔好飲凍嘢(其實就算夏天都係唔好飲好)...所以我攪拌完...就放入微波爐叮番暖...然後放一陣...個口感好得意架...好似食緊豆腐花

 

其實仲有好多生果都得...例如士多啤哩...蕉...而且仲可以加啲蛋白粉...唔知加咗蛋白粉...會唔會可以飽肚啲呢???