麥記蝦堡又來了

近期網絡上最hit嘅<一生只想尋找一個肯挨麥記的女人>短片
真的...好好睇

我都好鐘意麥記架...不過未必係一個娶得過的女人囉...哈~~~

今天麥記又出番蝦堡...我呢啲麥記fans又點會錯過

 

好味呀!!!(可能我超級肚餓所以更好味)

比起上次個吉豬堡好好好.......多

個咖哩味薯條粉都唔錯

我冇加大個餐...因為唔想食咁多薯條

所以加了$2.5買包粉

 

其實想講...食麥記都唔平架

所有食店都係...平有平食...貴有貴食

只要食得開心就得架啦~~~ 

日後比爸難再送返學了

每天都係我同比爸送大比返學...其實大比幾幸福架...我亦好輕鬆...抱少程差好遠架!!!

但此情此景日後好難先再有了...比爸轉了新工...返工時間早了...送唔到大比返學...除非係放假啦!!!

我又要獨自個努力啦!!!
 

 

不過都祝願比爸新工順順利利...唔好再飄泊不定啦!!!

我的免費大板旅行...希望在這裡了~~~

呢兩日比爸中午都去大比學校餵藥
比爸話...佢係學校食藥又乖又快...同係屋企係兩個樣
比爸餵完藥走時...大比會好唔捨得...大喊架（昨天）!!!今天就風蘇啦!!!bye bye bye
 

但明天呢!!!輪到我了...好遠水路喎!!!冇計...啲藥不能停嘛!!!  

相機放售

比爸一直都用單鏡影相

可以玩好多效果

而且影啲相出嚟確實真係靚好多

最起碼立體感重

 

大比出世後...都專登買支靚鏡嚟影大比...作為日後留念

不過單鏡真係......好重

比爸話人年紀越大越怕拎重嘢

最主要係...要湊住個細路...再唔係自己一個人嘛

 

我自己個部一早賣掉...我就梗加唔駛講啦...要照顧個細...邊仲有心機心情揸住部單機影相呀

 

而家比爸諗住就賣埋佢部單鏡了

然後再物色一部放便又可以玩到單鏡效果嘅機

不過一切都等放售到先算

 

如果有緣人路過此blog...有興趣的話...可相議吓

全部都係行貨機...有九成以上新...有盒的

Nikon D90全set仲有外置電池座

一支50mm鏡

一支17-55mm鏡

全部放售大約係萬六至萬七左右

 

 

  

 

有幸參加Reduze的減肥活動

在此聲明 : 如以下相片引起閣下不安...敬希原諒
另外是 : 以下相片不得下載或轉載...以免引起不必要的法律追究

 

本人參加咗個減肥試用活動

（呢個活動本來係邀請人氣blogger試,本人自問冇人氣...但好彩有貴人）~
纖出黃金身段大激賞

由Reduze提供8盒產品（梗係免費啦）

睇吓係嚟緊嘅兩個月內

會唔會好似佢所講

唔駛節食唔駛運動

都可以輕鬆減到肥

大會除咗免費俾我哋試用...仲作出鼓勵...減1磅就有1克黃金做獎賞...5磅起標...最多獎到15克...即係15磅...減多個15磅都係得15克

 

上星期六黃昏時分...就上到去活動單位~~~
攞產品；量腰圍；磅重同影相

 

不嬲都知自己肥咗好多...生完後一直冇法收身...生完初期有餵母乳...係瘦番咗啲...半年後停咗餵...跟住又缺乏運動...自己又鐘意食...節食唔到...呵呵呵!!!最終一發不可收拾

 

講真...好耐冇真正對住塊鏡...照清楚自己究竟係乜樣...而家影咗相...終於睇到自己有幾肥...肥得嚟有幾屈凸...量條腰...比爸第一句是WTF...哈哈哈!!!粗成咁呀!!!唔怪得我成日難買褲

 

 

真係希望呢個產品可以幫到我...目標減20磅唔算貪心呀!!!啲肥肉收一收唔算過份...冇期望會變成娜姐咁索...能達到自己目標...已經是心滿意足

 

如大家有興趣可到官方網站睇有關資料

http://www.reduze.com.hk/index.html

而本人亦會每星期作出一次報告...我會用消費者身份如實報導...work就work...唔掂會直接講...等大家有正確嘅參考指標

 

最後...我要特別鳴謝愚太...唔係咁有幸及時識到遇到佢...我一定冇機會join呢次減肥活動...真係多謝晒佢!!! 

第一次請假

終於頂唔住...大比要請第一次假...返唔到學

佢唔係病到好嚴重...但因為又無拿拿燒番...發燒~~~係唔俾返學嘛

已經同佢換好校服...但check過係有燒...還是在家休息一天啦

多數聽到唔駛返...啲小朋友都會開心...點知大比係咁喊...唔肯換走校服...要返學喎!!!

咁熱衷嘅...無他嘅...學校有咁多嘢玩...又有嘢學...屋企得自己一個玩...最好就係睇電視...不過我都鐘意佢返學校多過係屋企

逃不出食抗生素的命運

大比瞓到零晨時份,咳醒咗,跟住就扭計冇再瞓番。
但其實佢好眼瞓,不過佢同我講,話耳仔好痛。

我第一時間諗到...可能係啲菌入咗耳仔...不過都係睇定啲先...先同佢按摩吓個耳仔...大約20分鐘度...睇吓有冇好轉...因為驚會係佢瞓嘅姿勢唔好...壓住個耳仔而痛
按咗一輪...大比係半瞓半醒...再問佢耳仔仲痛唔痛...佢話仲痛...仲用手指撩耳仔...咁應該冇錯啦...耳仔入面發炎

跟住拿拿同比爸準備帶佢去睇醫生...點半鐘...冇得揀...係去法國醫院睇...橫掂以往都係帶佢睇開呢間...啲藥好啲
比爸驚半夜難搵的士...打電話搵爺爺睇吓係唔係附近...不過唔係...冇計啦...難都要搵
點知一落到街...啲的士一部接一部返...比爸仲話啲人咁唔健康...咁夜都仲唔瞓...哈哈~~~
上到的士...司機都話而家先係黃金時間...試吓出尖咀睇吓...大把人搶的士...門都拉見都得...誇成咁

果然真係中耳炎...啲菌困咗係度...之前食嘅藥已經冇力...要開啲勁嘅兼要食抗生素...唉~~~真係避免唔到

真係用錢買時間...前後一個鐘已回到家...不過呢...埋單時...比爸話佢吹走咗件衫...904蚊...好貴囉!!!

 

 

 

啲藥係唔同啲...唔難食...好似果汁咁 

 

大比又大個女咗...佢識得講我哋知邊度唔舒服...唔係得個喊...睇醫生時就乖乖冇以前驚到喊...食藥都好咗...起碼唔會嘔番晒出嚟(味道易入口)

 

祝佢快啲好番...身體強壯

非常充實的一天

今日由早到夜都非常充實...真係要記低

 

早上先同大比返學校聽個講座...由語常會舉辦的

係話你知如何教小朋友接觸英語

呢個講座比較適合K2同K3嘅家長嘅

不過N1同K1家長都可以參加

無所謂啦...早啲知道...早點準備

 

其實學英文...係小學前冇一個標準話一定要識到啲乜

要識幾個英文生字?要識得用句子對答?

識得同人用簡單英語溝通?識得拼音?...等等要求

原來呢啲都唔重要...

最重要係興趣同信心

 

小學前最重要係培養小朋友有閱讀嘅習慣

無論乜嘢文嘅書都好

佢會主動搵書睇...對日後學習語文係好重要

越大越難培養閱讀興趣架

 

有了興趣...都要佢有信心...唔好驚學習

所以有時小朋友讀錯做錯唔好責備先

好好教導再引導佢向正確方向

失敗乃成功之母嘛

 

之前我老公成日同我講~~~哇!!!邊個邊個已經識好多英文生字...個個又話已經識講簡單英文句字...哇~哇~哇~

我問~~~你想講乜...係想點呢???

係...大比唔好話生字...連A至Z都未乜識...係而家返學...教咗

A for Apple

識得唱~~~Apple Apple I like Apple

B for Bus

同埋係巧虎度學咗句~~~Where are you

就係咁多

屋企有好多教材...但我冇刻意要佢學...我都係諗住配合學校教乜...我先至搵相關嘅教佢

雖然大比唔係識好多...但我見佢係鐘意睇書嘅...如果我一開個書櫃(書櫃我是鎖住的...因為如果任佢攞...佢仲未識愛惜書本囉)...佢快去攞書...佢係唔識字...所以佢一定叫我同佢一齊睇...咁樣算唔算已開始培養到佢閱讀嘅興趣呢

 

死背硬記唔一定好...主動學習才是最重

做家長嘅而家俾啲心機...好過日後要勞氣呀!!!

 

 

講座地方係大比平時上堂的課室...我搵到佢堂上嘅勞作

 

 

聽完講座後...就打電話睇吓win契媽得唔得閒...搵佢食個lunch...hea吓

 

呢間食意粉嘅幾好味 @ Pasta Marche 新都城2期

 

大比睇meun要食卡邦尼煙肉栗米意粉(啲栗米佢食晒...佢好鐘意卡邦尼汁)...薯條都好好味

 

焗寬麵 

 

食飽咗...就去咗玩具反斗城...但契媽約咗人...所以我哋繼續自己搵節目

 

節目一早有...就係去灣仔返我公司拎番啲嘢...然後行住街等比爸放工...再去鰂魚涌搞啲嘢(呢個遲啲再公怖)...最後就係去番銅鑼灣買蟹回家開餐

 

係灣仔路過有義賣損款...親身去唔到葵芳支持啲朋友...唯有係對岸買個以示支持

 

 

大比麻甩到爆...玩具反斗城買車...係log-on見到又要買車...反而毛公仔就玩吓算數...唔扭買

 

 

比爸今次去番往年買開大閘蟹個間鋪買...睇吓係唔係今年真係唔當造...定還是上次個間真係麻麻

 

原本45蚊隻嘅...同哥仔傾咗一輪...變成40蚊隻...隔離有個女人聽到...襯勢問佢40蚊隻得唔得...佢就抵呀...買10隻...等於買9送1...比爸原本係買4隻...但上咗小巴(等客中)諗諗都係買多隻好

 

返到屋企買叫pizza...大比話想食 

 

 

大比真係好鐘意食...忌廉湯又係至愛 

 

 

大啖食大口飲 

 

 

主腳登場...好緊張睇吓多唔多透明膏 

 

都係幫襯番熟鋪好...邊度係唔當造...雖然唔係話好多油...但有好多比爸愛的透明漿咀膏...呢個已經大滿足

維他奶~~~季節限定版

 剛剛行過7仔...見到維他奶出咗隻季節限定版~~~朱古力曲奇味豆奶

 

係7仔先有得賣...其他超市係冇嘅...仲一定係凍飲

 

試飲~~~

頭個幾啖飲落似莫卡味多過似曲奇味...

試咗半包...就覺得偏甜...

(本人唔鐘意食太甜的東西...飲檸茶可以不落糖)

飲到最後...越飲越似咖啡味...

 

我就覺得一般...仲買咗兩盒添...(因為2盒13蚊...平咗個幾)

另一盒益比爸試啦~~~

 

 

 

病完又病

睇住大比差唔多病好,就諗住轉中藥俾佢,食太多西藥好散。點知轉食一日之嘛,個病即番發,又有痰又有鼻涕。焗住要食番西藥對抗。

 

轉天氣加埋學校啲菌沒完沒了,唔好話小朋友,連老師都會打敗仗。都有唔少學生一係返半日,一係請假幾天。我本來都有諗過唔俾大比返學幾日,等佢病好先。不過諗真的,呢啲避法唔work,學校始終都有帶菌者,就算你好番,只要體弱啲又會中招。所以我選擇比大比繼續打仗,大不了又去睇醫生姐,只要冇發燒就得。

 

呢場仗一定要打,你避得幾多次。只要打贏,身體強壯番,日後都可以頂得吓。呢段時間小朋友辛苦,家長都會心痛兼辛苦,尤其晚上,冇覺好瞓架,時常都責醒睇吓佢有冇事。但都要陪佢打下去。

 

其實而家我諗諗,一返學就應該keep住俾保嬰丸佢食,打好個底嘛!!!唉~~~一時醒唔起...蠢咗

希望大比快啲好番~~~

結婚三周年

唔係睇facebook...我根本完全忘記今日係結婚紀念日
起初睇時...見到比爸個名係facebook右上角出現
第一時間諗到係...乜佢今日生日咩
因為通常個個位...係提醒你今日有乜人生日
但睇真啲...先知道係乜回事
冇計啦...冇特別慶祝活動...又點會醒起
好似早幾日比爸都有講過想點慶祝...但我完全冇當係一回事

其實呢啲日子...係唔係一定要慶祝嘅呢
我同比爸都唔係個啲浪漫;會制造驚喜嘅人
好自然...好多節日都唔會plan定點過
呢啲情況應該係出現啲一就結婚好耐;一就大家冇感情嘅人身上
但我哋兩樣都唔係...只係一個字"懶"...哈~~~~~

咁就三年啦...時間都過得幾快
往後會有幾多個三年...我唔知
總之過得開心最重要


補充~~~
原來比爸仲衰過我...我叫唔記得...佢係記錯添...同我講係聽日...我哋兩公婆...wahahahahahahaha

大比首次成功自己一個瞓到天光

襯天氣開始轉涼...唔駛開冷氣瞓...再俾大比試吓返自己房一個瞓

之前已經試過俾佢自己一個人瞓...佢肯瞓嘅...不過瞓到半夜二三點就起身搵我...整個夏天因為開咗冷氣要姍房門關係...如果佢半夜起身...我哋兩公婆都爛瞓...喊到傻都咪理到佢...所以就俾佢同埋我哋一齊...大比可以一覺瞓天光之餘...我哋又唔駛成晚掛住佢係唔係起咗身...而且仲可以慳番一間房嘅冷氣電費...唯一唔好係...三條柚迫埋一張床瞓...會辛苦啲...不過一瞓著就乜都唔理囉

琴晚叫大比試吓一個人瞓...我半夜都責醒幾次...睇吓佢瞓到點...會唔會凍或者熱...有冇醒到...雖然張床係鬆動咗...但唔係一覺瞓天光...硬係爭啲

瞓到今朝六點半...大比終於醒咗大叫...我仲有半粒鐘時間瞓...而佢仲有一個鐘時間瞓...所以拿拿聲抱佢返入我房...爭取時間繼續瞓

琴晚大比表現唔錯...繼續努力...希望持續變好...不過臨天光無論大比有冇瞓醒都好...都係抱番入我房瞓比較好...因為一啲特殊問題啦~~~

開始係學校唔用片片啦

大比其實已經識冇著片片時...會出聲叫大人俾便便盆佢坐...但開學至今我都係俾佢著片片返學...因為始終佢唔適應學校生活...如果情緒不穩時...多數實會賴尿尿...所以一直等佢習慣咗...先至再循序漸進

老師上星期同我講...話今個星期可以開始唔駛著片片...因為大比大致都適應咗學校生活...就算有片片時都肯坐廁所尿尿...而且佢班上只得十個女仔...老師決定幫女仔戒片先...但係午睡時...暫時都係著番片片好

今天接大比放學...因為唔太多人接...所以有多啲時間同老師傾吓計...大比今日戒片情況好好...冇濕過褲仔...只係老師話佢無論開大開小都係叫"屙C"...開頭老師真係以為佢開大...但其實原來係VV...呢個我知呀...教咗佢好多次都係叫"屙C"...算啦!!!暫時唔太刻意要佢一定改番正確...識叫去廁所我已經好開心

除咗講戒片片...老師有讚賞大比算適應得快...起初好爹要跟住老師外...食飯又食得慢...又會含飯又要揀人餵...遇到唔啱自己心意嘅又會發脾四...但而家...自己獨立咗好多...食飯快咗會自己食...有時還會添飯...含飯已經少咗好多(呢方面我係屋企體會到...佢真係有改進)...唔會再咁爹要痴實老師...不過呢就係情緒同脾氣方面仲要有待改善...始終有時忍唔住佢仍會大叫...好似老師話有時瞓醒...佢就大叫(佢把聲唔細)...全班就會差唔多醒晒...連隔離班都會問發生乜事...所以老師而家教佢...咀咀要嚟食嘢...講嘢...唔係大叫架

老師同我哋家長講番啲事情...係想我哋家長配合一齊教小朋友...只係單方面靠老師係學校教係唔work...返到屋企你唔教...咪又係得個吉...又會打回原形...所以只要有時間同老師傾開...我一定會配合老師去教導大比...點解我要俾佢返N班...而且一返就全日...我知道大比有乜問題(屋企佢一個獨大...爺爺嫲嫲甚至比爸都會好就佢)...越早解決越易解決...好興幸搵到間好學校...好老師...真係好感激

最後老師經常都同我講...大比把咀好叻...講嘢好叻記性唔差(佢係記性好...不過記得到但會唔會做得好係兩回事呀...哈)...雖然唔知佢明唔明...但回應你時係答得好爽口...而且佢唔扭計時...係好討得人歡心...因為我唔係學校一放學就去接佢...都過咗差唔多一個鐘先接佢...呢段時間佢會接觸高班啲小朋友甚至係其他班嘅老師一齊玩...其他老師都好喜歡佢...把咀囉~~~氹得吓人...尤其係呢樣...比爸可以放下心頭大石...冇俾老師討厭就good

學業好唔好我暫時唔著緊...同齡小朋友識好多生字又識講英文又話識乜我唔去比較...最緊要教好啲情緒思維同脾氣...有一定自理能力...三歲定八十...個格唔得...做人處事唔掂...任你有幾叻都發揮唔到所長

想睇啲有質素嘅節目姐...都咁難

你有沒有去遊行?!我雖然沒有...但不代表我唔支持

一直都好期待香港電視有牌...到時可能會引起番追劇集嘅興趣...佢未必一定好...但起碼有多個選擇先...而家講真...亞記有等於無...唔係重播就係做啲引唔起注意嘅節目...老人家會比較OK嘅...好似我99算叫忠實fans...因為有粵曲...又播番佢哋年代嘅劇集...反而好睇過無記喎

但對於我哋嚟講...一開電視...好似得一個台咁...例牌係無記...好唔好都要照睇...久而久之...其實係電視有電視開住...而我哋卻做其他嘢

仲有明珠台同國際台...國際台又係~~~(無嘢講...算叫比亞記好啲)...明珠台播啲外國劇集幾好睇...不過衰在一星期播得一集或兩集...失去咗追嘅興趣...因為成日唔記得睇之餘...亦失去緊張劇情嘅思想...一個星期喎...乜都冷卻晒...真係好想知然後...就已經上網睇咗囉...睇電視又變咗冇必要

其實都係想睇啲有質素有誠意嘅電視劇姐...點解都咁困難架...雖然話會多兩個電視台...但係睇吓佢哋有乜準備呢...完全睇唔到有誠意...開台後除了有新鮮感外...我暫時搵唔到有乜優點

成日話要有競爭先有進步...香港競爭係多...但個結果卻退步緊囉

選擇係有呀...但係個個都揀唔落手

豚王~~~第三家

中環豚王...成日都想食...但見到條龍...就唔想排

到尖沙咀開了第二間...當時仲未有太多人知...所以唔駛等好耐就有得食...真係...唔錯

今日再去食...雖然都要排隊...不過見龍唔長...等半粒鐘就有得食...算係咁啦(如果真係唔想排隊想即食...三點半後就冇人等了)...比起一籣...濕濕粹(我仲未去食...次次見到條龍就放棄)

原來佢哋將有第三家分店...港島~九龍~然後梗係新界啦...會係沙田新城市廣場開...有機會都想試吓...人哋話分店越開越多...質數就會開始下降...睇吓沙田個間會唔會真係冇咁好食呢...不過有一樣肯定係...一定會超多人


唔食得辣嘅人居然走去食赤王...最後要同我掉轉嚟食
食得辣嘅...其實赤王好好味...個啲辣肉好正

 

蛋蛋好正~~~木耳我又好鐘意

如果唔係諗住大比要食肉...我唔會叫多份叉燒...

其實叉燒麻麻...可能太瘦...好鞋口

 

一舊水碗麵係唔平...不過我到晚飯時間都未有肚餓感...仲係好飽...計落...係唔係仲抵咗呢~~~

當泥膠遇上廚房

尖沙咀的玩具反斗城...係大比目前最愛的地方
有各適各樣嘅玩具...但大比好好...唔會扭買玩具
玩過就算...所以我會經常帶佢嚟
(假日真的唔知帶佢去邊度玩好...有車會多選擇
無車的話...就只想到方便就腳算)

上個月學校開家長會...當中有提及到一啲玩具可以訓練小肌肉...我就買咗其中兩種俾佢玩...雖然學校係有得玩...但量唔多又要同同學分享...橫掂要買玩具...不如買啲實際又實用咪仲好

其中我買了泥膠...起初梗係買最基本架啦...要試吓大比有冇興趣玩先...有的話先至慢慢買多元化俾佢
玩咗一段時間...佢都幾鐘意玩...見今日行開玩具反斗城...就睇吓再有乜其他配件啱佢玩

~~~廚房~~~
一歲時返健康院...姑娘都會提到買廚房俾小朋友玩...我梗係有買...買咗一座好似佢咁高嘅廚房俾佢...但當時佢真係冇興趣玩...一就唔玩...一就好快俾佢玩爛
到咗今日...大比始終成長咗...點都懂事咗啲...再買個廚房俾佢玩...希望佢會鐘意

一返到屋企...就立刻要開嚟玩...好...睇吓你係唔係三分鐘熱度
OK喎...佢玩得幾投入...可能呢個廚房啲食物唔係整定咗(一個膠食物)...要自己動手用泥膠去整...而且可以多元化...唔係嚟嚟去去得個幾樣...放落個煲度...廖幾廖就話上碟...講真...真係玩多幾分鐘都悶

煎牛扒


煎好開餐


有多款meun你照跟住做...或者發揮你嘅創意都得


完整牛扒餐


好有成功感

巧虎 ~ 大比好受落喎

俾大比睇咗兩日巧虎...
一個故事
一首兒歌
一個玩具
一首唐詩

 

大比好鐘意睇喎
聽歌又會跟住跳吓舞身郁郁
教佢點玩具
佢亦好乖跟住做

 

每次我都係播一首歌加一個單元故事
不停重覆...等佢可加深記憶
睇咗大約三四次
就會同佢睇書（睇番DVD嘅故事）
同埋一齊玩個期附送嘅玩具

 

之後每日加少少
然後又重溫
睇吓一個月後
大比會變成點

 

大比睇完教學DVD...之後就學習照顧小花

如果真係有個細佬/妹...可能會更投入...哈~~~

 

 

同小花分享玩具玩

 

餵小花食餅餅...(好搞笑係...自己先食...哈哈~~~試吓好唔好味先至俾小花) 

筆 Buddies @ 7仔

等咗個幾月...終於等到換埋最後一個...我唔係fans...只不過係見有印花...咪去換囉...當時大比睇完怪獸大學就鐘意咗怪獸...咁咪換俾佢玩吓



點知一交印花...原來全線都冇貨...要等...九月頭換了一個...last呢個要到而家十月中先有...估唔到咁受歡迎

但更估唔到嘅係...呢個居然換到特別版返嚟喎!!!
唔知大比鐘唔鐘意呢???
不過有樣肯定係...佢鐘唔鐘意都好...過咗一陣就唔知掉咗去邊~~~

巧虎 ~ 終於收到了

 終於收到香港版巧虎了...因為時間關係...所以連同十月號都一同收到

 

今晚等我睇父母手冊先...了解點運用

明晚就開始同大比一齊學習

 

希望呢套嘢可以改進到大比嘅情緒...同埋幫助佢日後嘅發展啦~~~

 

呢個係九月號嘅巧虎~~~

 

 

呢個係十月號嘅巧虎~~~

 

 

生果好但也要食得對

生果係有益食品...但都要食得得宜...先至發揮到作用

 

今日係蘋果日報睇到有關報導...

大多數人都知剩飲榨果汁係唔好...纖維冇兼果糖多...健康變咗唔健康...

就算你係成隻攪拌...都唔好得去邊...所以都係原隻食好...原汁原味

 

 

除了點食外...幾時食都好重要...

成日都話飯後果...食橙啦...幫助消化...

(第一個要同我老母大人講)

其實錯晒...食乜生果都好...飯後都不宜進食...冇幫助消化之餘...仲增加負擔...

而且晚上六點後就唔好食生果啦...有果糖嘅關係...所以減肥人仕更要留意呢點...

日間食生果最好...尤其係早餐...食生果代替一般早餐...

除咗有營養外...對腸道都健康添...

 

 

以上資料來源自 : 2013年10月16日 蘋果日報 A版內 

  

最佳父母

最佳女主角算係近期熱播,但我冇乜點睇過,只係間唔中吓。

睇得最多返而係人哋覺得麻麻哋吸引的李心潔,係因為佢講鬼故吸引咗我去睇。

另一個印度深嘅就係毛毛,因為佢大女嘅一句說話:你係我no. one best friend。哇！好羨慕呀！我都希望日後大比會同我咁講。

今晚係卿姐,我都係冇睇,只係比爸睇緊。但當講到佢媽媽時,講佢媽媽好信任佢,做任何時都冇質疑即冇阻止,雖然表面上冇支持,其實暗地裡已經一直企係女兒身邊。我只係大約聽,冇去定定睇住個電視。

 

節目完咗...我比爸問我...如果日後大比行性感或者做脫星我會點...支持定反對??!!

我諗咗一陣...我答:唔會反對;即唔會支持...只會同佢講:路係自己行自己揀...你諗清楚後認為冇問題...就做囉!!!但我依然會係佢身邊...搵機會...帶佢行番"正"

之後我反問比爸...比爸一口即答:唔得啦!!!咁好正常姐...不過佢之後補答...而家啲人...都唔會理父母支持定反對啦!!!

 

其實如果仔女成長路上係健健康康嘅...會行差踏錯嘅機會真係會少好多...所謂嘅健康...唔好一味係父母所認為係啱就啱...錯就錯...重要係溝通

 

在教導仔女嘅同時...自己亦係學習緊做父母

對與錯...在乎溝通與關懷

13年的第一餐大閘蟹

見大比差不多病好...加上比爸會出深水埗買嘢...咁就順便去之前win契媽有介紹過鋪頭買大閘蟹

 

好耐冇行過深水埗...其實活咗係香港三十幾年...嚟深水埗係一雙手嘅手指數得晒...

我記得有幾次係食飯...有幾次就為買嘢而嚟...真的好少行深水埗...

 

其實深水埗有好多街坊小食...而且應係唔差...因為我見到都有幾間鋪都要排長龍...

好似賣腐竹的...呢間我聽win契媽講過...真係排好長好長龍呀!!!

有間好似係賣腸粉的...都有唔少人排隊買...

 

而呢間豆腐花...雖然未至於要排隊買...但都不停有人埋去買...應該都OK啩...所以同比爸整番碗試吓...

 

 

豆腐花可以加料...例如紅豆綠豆等...但我哋想試原味先...

唔算滑...但豆味濃...我覺得都唔錯...但比爸覺得佢唔滑唔算good

 

 

食完後...如果之前我哋未食lunch...都可能會掃街搵食...不過帶住大比仲要佢未病好...掃街食嘢實在不宜...

呢轉深水埗行得順利...皆因呢隻臭比食咗藥攰...一直係車仔瞓...如果唔係...佢一定扭落地要行街街...咁就麻煩囉...

 

呢間大閘蟹鋪...離個地鐵站都好遠吓...係C2出口仲要行落六七個街口先到...

行到落海擅街一望就好易見到呢間鋪...

都有唔少人揸車或者搭的士嚟買...應該唔會差啦!!!

 

 

期待中~~~

 

 

 

好似都幾多膏喎!!!

 

 

一打開...都唔錯...點知食落...

膏的油少咗啲...比爸鐘意食白色透明個啲膏欠奉...六隻只有一隻有比較多...其餘的都係得少少...而且我仲食到有一隻帶點苦味...

如果話130蚊3隻算係咁...但我去番銅鑼灣買開個間...質數好過佢好多...

下次都係去番CWB...起碼就腳唔駛行咁遠先

 



  

大比終於病倒了

人哋話一返學,總避免唔到會病。就算學校點講究衛生,始終唔係一人照顧一個學生,學生有少病只要唔發燒都照可以返學。病菌始終會有,咁就睇你身體有幾健康頂唔頂得住啦！

 

大比終於頂唔住啦！傷風咳兼開始發燒。返咗學個幾月先病,算係咁啦！加上近期轉天氣,避唔到咁多。

 

我冇帶佢去睇醫生,因為屋企準備了藥,所以先俾佢食,冇好轉才帶佢去睇。雖然大比病,鼻塞又咳痰多,又有燒,但依然活躍,乜都照大啖食,咁都唔太過擔心。連我最擔心佢唔肯食藥都可以順順利利,果真大個女咗！以前佢一要食藥我就頭暈,扭計例牌有,仲要邊食邊嘔番出嚟。而家佢都係唔like啲藥味（有邊個會like,like都大吉利是,不過法國醫院的藥係好過普通診所嘅藥,冇咁難食）,但肯食,咁乖,俾塊餅餅賞勵吓。

 

比爸話間中發吓燒唔緊要,幫增高喎！其實有冇根據架！點都好,希望大比早日好番,病完又會強壯啲。

溫馨的元氣晚餐

每次大比放學都會經過元氣壽司,每次都話入去食,食壽司,食烏冬。

 

今晚,比爸應承帶佢去食,但大前提一定要瞓午覺。因為上次帶佢去食,佢瞓唔夠,結果食咗十五分鐘又吵又鬧,我哋都怕咗佢,好影響其他人嘛！食唔晒啲嘢打包拎走,速逃。

 

雖然大比都唔係好瞓得足,仲開始作病咁,但佢全程都食得好開心,自己用筷子食添,不過都夾得幾輪盡吓。唔緊要啦！用得多自然會識,乜都麻煩,唔放手俾佢做,好難有長進架！

比爸今晚又好喎,照顧個女食,平時佢掛住自己食,我就照顧個女先。睇到佢哋兩隻嘢食烏冬食到咁sweet,忍唔住要影底,越大越少呢啲情景架！

 

我唔會呷醋,仲好開心添。我不嬲都想比爸多啲照顧大比,咪一味用物質滿足。用心關心才最重要。
 

久違了的跑步

以前有請工人姐姐時,放咗工返屋企同大比沖完涼後,就會落街跑吓步。Yoga堂上唔到,點都想搵啲運動做吓,順便產後收吓身。

 

不過當第一個工人姐姐走後（做了大半年）,就算有再請過,但都冇時間再做番運動（所以才有現在咁嘅身材）。

直到今天,比爸突然話放工回家後帶埋大比去跑步。好!梗係好,不過大前提係你個皇帝女要瞓夠唔扭計先得。好好彩,呢隻臭比今日算瞓得唔錯,有氣有力頂得住。

Let's start~~~~~run~~~~

 

 

跑咗一陣之嘛...大比見到千鞦...即刻行過去...話好想玩...見就個吉位...就俾佢玩一陣 

 

 

呢個大胆比...高啲高啲...一啲都唔驚...越高越開心

 

 

玩咗一陣...佢都好乖冇賴死唔走...又繼續跑步去

 

 

只係少少嘅時間...跑個步或者做吓運動...除咗對身體好外...亦有助親子之間嘅關係

 

 

日後我都盡量抽多啲時間陪吓大比咁樣走一轉