大比學校親子聖誕派對

今天大比學校舉辦親子聖誕party...每個小朋友都要同埋家長出席...每個家庭限四人...因為學校地方有限...一日兩場...高班同低班就早場...我哋N班同幼兒班就下場...好彩11點幾先開場...早上有點時間俾我整嘢食帶返去...呢個party係唔駛錢...只係每個家庭帶四人份量的食物返去...分享~~~

 

唔識整嘢食嘅我...又嚟考起我啦

整雞翼...都唔知整乜好

 

材料~~~

 

啲雞翼執骨讓入露筍...冇骨小朋友方便食

 

煎雞翼~~~

 

原本就諗住煎好就算...但玩吓嘢...就整咗啲沙津係底...用生菜包住...不過始終唔係煮開嘢食...搞到一pat屎...哈哈哈~~~

 

好啦...算叫搞掂好...準備出發

入場坐定定等開始


大比平時有冇成日同佢哋玩我就唔太知...但一定比其他同學仔熟絡


好啦安排晒坐好...就開始了...首先就梗係離不開要介紹聖誕係點樣嚟
徐老師講古仔




講到天使報佳音時...何老師扮天使出場


之後就帶住一班天使(其他老師)唱歌...報佳音




大比聽到唱歌又好投入




講完古仔...就輪到我哋唱聖誕歌


之後就係玩遊戲時間~~~
有鹿車捐山洞(家長扮山洞...小朋友就係鹿車)

老師示範




我梗係派比爸出場






之後就玩傳禮物...音樂停了...邊個手上有禮物盒就有禮物獎

大比玩得好緊張


大比終於得嘗所願...有獎品...不過攞獎品前...要先抽吓完成乜嘢事才有份獎品架

睇大比個款幾認真


原來係要唱歌先
老師叫比爸唱...比爸事後同我講...咪玩啦...我點識唱...哈哈


唱完就攞份小禮品啦


玩完一輪...又攰又餓...就是開餐時間
自助形式...放晒係走廊到





我一睇...原來...買外賣都得架...頂...駛乜自己整咁辛苦...KFC一盒炸雞咁都得...三文治已係最易整...但啲家長都係買街上整好的嚟...仲有布丁...都係外賣品...優之良品的...一盒仲要開四份...再唔係就西餅一打...營多勞麵都得...蕉都有...唉!!!比爸就笑我...係我咁蠢晨早起身整...買外賣睇吓幾方便...我老細一早已有先見知明...叫我買7仔叮叮雞翼咪得囉...洗鬼自己整
話你知...外賣食品...仲受歡迎呀!!!

等食期間...可以影吓相...玩吓公仔






好攰咩...咁快坐


大比乜都唔食...只揀佢最愛的蛋糕
狼食


開餐期間有抽獎活動...不過同抽獎無緣嘅我哋...都唔期望會有

抽唔到獎...同陳主任合照也一樣開心


臨走前攞埋學校送的禮物袋...開心滿足地離開~~~