今日第一次帶大比返工...好彩佢都聽話...冇扭計...老細又冇炸型...如果第時要帶埋佢出街...就可以帶埋佢返工...唔駛往往來來浪費時間又浪費車費
我叫大比叫我老細早晨...佢之後叫叫吓叫到細佬...咁快就收o靚啦
返工識我的人見到我個女...都話佢好靚女好得意...唉~~~你哋俾佢外表呃Q晒啦
老細話我生了個蝕本貨...因為我老細睇佢食早餐...食咗唔少~~~半碗麥記通粉(梗係有食肉啦)...4粒魚旦...兩條腸粉...1塊薯餅...大杯裝的鮮橙汁
放工了...大比未搭過電車...今日就專登唔帶BB車...方便上落
電車箱中的大比
之後就去貓貓度食lunch(阿貓地攤)...大比超級愛上呢度
lunch時間上去唔會太多人...到了差不多下午茶時間就會越嚟越多人
大比話要影貓貓...好啦...就俾部手機佢影
好有藝術氣質喎(睇唔明咪話係藝術囉)
玩咗一輪...本想帶大比去誠品睇書...但見佢開始進入睡眠狀態...算啦...下次先...出尖咀買埋我啲衫就閃...早點回家...因為今晚我要煮飯
好出奇呢...我會煮飯...99去咗旅行...冇人煮...比爸本來諗住我一定會駛出我個絕招"叫外賣"就算數...估唔到我會話煮飯...哈
對於一個唔識煮飯嘅人嚟講...放心...唔會煮複雜嘢~~~
荷葉蒸雞飯
蒜蓉炒菜
人蔘雞湯
兩日前已醃雞翼...其實都係唔夠入味...應該要三日比較好...本來買到新鮮雞就最好...但我哋一隻雞又會食唔晒...而且啲人就鐘意食翼多...所以買雞全翼算(比爸話鐘意食所以先買全翼...點知佢話下次買番剩翼好...BBQ先至要全翼...真係難服待)
啲飯想有啲糯米口感...所以用了珍珠米煮...加埋一包方便裝的清雞湯
爆香啲雞翼先啦
等啲雞七成熟...就拎去包裝好
然後蒸15分鐘
期間就炒碟菜
完成了
最後就整埋個湯...本想諗緊今晚整乜湯好...點知係尖咀經過韓國街...比爸睇到有包人篸雞湯...話不如買嚟試吓...55蚊包姐...試得過
就咁煮番熱或者叮熱都得
OK好味喎...好鮮甜...有人篸味...真係成隻雞...料夠...有埋人篸架...而且仲包住啲飯...如果一個人唔煮飯...呢一包就足夠搞掂一餐囉...下次可以再買
沒有留言:
張貼留言