長洲熱傻之行

大熱天時...戶外活動...確實幾攞命
不過成日行商場...係好舒服...不過悶到爆

表姊表哥一家提議約埋出外走走
好啦...就去長洲逛一逛
因為都係臨時決定
所以一睇到船期表決定好時間
大家都趕時間出門
我就唔駛趕...皆因今天我要返工
人一早都係灣仔...過中環對我嚟講易C汁

趕住出門...到咗中環後又要趕住食埋個lunch先
其實我哋可以入到長洲先至食嘢嘅
但都驚太晏...啲細路會餓
加上入到去...佢哋多數掛住周街逛周街玩多過好似我哋想去掃街食嘢囉

對上一次入長洲
係上年嘅事
個次係平日去
所以唔算多人
今次就唔同啦
星期六...超多人...坐爆船...慢啲手腳都冇位坐

 

 

我哋梗係揀快船...坐慢船差成半粒鐘...坐到個人呆晒架

話咁快就到...不過呢...好Q熱囉
一離開個冷氣地方就開始不停標汗
我哋先去食個飯後甜品先
之後就四圍行

見到一間食丸嘅超多人排隊買
未又走去試吓
食丸都食咗百幾蚊...哈哈哈


真係好好食???!!!又未至於係囉!!!
不過佢係有幾款丸比較特別嘅
食咗落肚唔記得叫乜丸啦

食對啲細路嚟講真係興趣不大
佢哋好想踩單車
所以周圍行睇吓邊度有單車租
大比見人話踩佢又話踩
不過一上到車就怕死驚我同比爸走咗去
最後喊晒口要落車跟我哋走

 



比爸冇咁好精力陪個女踏單車
所以只有姑丈表姊表哥去踏
佢哋先踩大架嘅
但佢哋唔咁心做乘客囉
後嚟唔知佢哋去咗邊度再租到單車
各有各踩

而我同比爸...大比...同姑媽就梗係搵個地方hea吓...乘吓涼好過

個幾鐘頭後...佢哋返嚟
我哋就去埋最後想去嘅地方
買紅豆餅同食手卷
99叫我哋買紅豆餅嘅
而家就一定要去食手卷
我覺得好好味囉

睇住時間又要準備搭船走
如果唔係就會太夜先返到屋企

真係好想快啲返到屋企沖個靚涼囉
秋風起嚟行...會開心好多

因病冇返學...但仍然過得開開心心

大比因為懷疑係手足口病
所以星期二起就停學
直至攞到康復紙才能再返學校
呢段期間就由比婆婆湊住佢先
第一天大比都扭計唔肯跟婆婆要跟我返工
咪玩啦!!!所以喊爆都話之佢
比婆婆都話冇晒佢符
一味係度狂喊狂扭計
幾辛苦才夾到佢返屋企樓下
正當係冇晒辦法吓唔知點搞掂佢之際
就係樓下遇上兩個傻佬(雖然傻...係人都知...只要你唔刺激佢係冇傷害性)
比婆婆即刻借呢兩個傻佬過橋
同大比講""如果你再喊...呢兩個亞烏就會捉你走""
(又咁啱得咁Q...呢兩個傻佬明明同大比行反方向...突然好似留咗嘢咁...又返轉頭...變相同大比行同一方向)
果然...大比好快就收聲
仲雞咁腳叫比婆婆快啲返屋企
又咁好彩遇到亞舅放假係屋企
大比怕亞舅的
比婆婆話雙管齊下之下
大比好快乖乖聽話了

之後幾天
我係地鐵站送大比俾比婆婆
大比都好開心同我say bye bye
每日都期待去婆婆度
梗係啦
跟婆婆去飲茶
口甜舌滑下又呃到唔少嘢食
食飽就得坐車車
然後就去逛超市
啲嘢任摸任攞又冇人話
超市去玩又去街市
因為屋村關係
我媽媽同好多人都熟識
自然大比呢幾日都遇番好多熟人
(未返學前大比曾是婆婆湊...個時已經同村內啲人混熟了)
大比帶俾佢哋好多歡樂
所以大比去度邊都好多著數攞到
逛吓逛吓又到中午
返到婆婆家又開餐
食飽聽一陣英文歌(呢個係亞舅為佢準備的...話唔好睇咁多卡通片...要睇就睇英文兒歌實際好多)
就去午睡
因為屋企只得比婆婆
環境清靜吓
大比可以瞓三四個鐘都得
有時瞓到唔願起身
話媽媽要嚟接佢
依然都係成條大懶蛇係張床碌兩碌又瞓過
如果唔係驚佢晚上扭計要搵我
我真係叫佢係婆婆度過幾日
我仲爽呀!!!

慶幸未係真正的手足口病

今日下午學校Miss Wong打電話嚟問候大比情況如何
睇吓有冇好番啲
下星期一可否返學
順便解釋吓一啲關於手足口病嘅資訊

大比情況基本上已經好番
睇完醫生後就冇再發過燒
只係口內嘅點點(類似生飛滋咁)仲未埋晒口
係冇再發大同發現更多
只要明天去睇醫生順便攞到康復紙
下星期一就可以返番學

經過老師解釋後
其實大比學校真真正正確診熊手足口病的小朋友只有兩位
其餘的都只係因一啲腸病毒引至發燒同口部發炎
多屬於咽喉炎
並未真正去到手足口
醫生紙上寫嘅病都唔係手足口病
所以家長們可安心點
但如果唔及時處理醫治
就真係有可能會引至到手足口病
到真係手腳口都有紅點
才能確歲為手足口病

咁好都啲
大比都只係一啲腸病毒引起發炎而發燒
病一次就會強壯一次
希望快啲過咗呢段高危期
大家又可以開開心心上學去

等到呆了的唐氏宗合測試

雖然而家話政府醫院停收乜非乜非
以為真係少咗人生B
其實少係少咗孕婦
但我發覺...本地孕婦係多咗嘅

好似今日我去政府醫院做check BB唐氏宗合測試
一等就等咗我差不多兩粒鐘
悶到我呆晒
電話都俾我玩到冇晒電
叉都叉唔切

其實一眼望落全部都係本地媽媽
不過做呢個測試
我知係要預啲時間
同埋醫生姑娘都就唔到時間
量頸皮...唔係一量就量到
個個BB都唔係好合作
要照一排先照到所需資料

有個媽媽好慘
已照兩次
但亞B唔合作
等了又等
因為照得太耐都唔得到結果
就會輪到下一個先
隔幾個先再輪番
睇吓亞B個姿勢O唔OK

我記得我照大比時
大比都係唔合作個批
全程用個背面對住姑娘
一就係不停咁郁
冇時停
個次我都要照兩次
姑娘叫我行半個鐘
睇吓佢會唔會改變姿勢
我就一路行一路同大比講
唔該你合作啲
瞓住停一陣
媽媽唔想再係醫院痴呆咁等呀
之後就梗係順順利利啦

唐氏宗合測試...你可係政府做...即可以係私家做...我就梗係揀政府...第一胎如是...做乜要另俾錢再去做...呢啲係福利嘛...不過如果你真係有多餘錢...又唔想咁等發...咁就梗係私家做啦

呢個測試...你可揀做或唔做...有啲人係會唔理會BB有冇事都會生嘅原則...但老實講我冇咁衛大...如果BB有乜缺憾...我會選擇唔要...話我冇人性都係咁話...第一我對自己一定冇信心可以照顧佢日後生活...第二係BB大過後會唔會接受自己有缺憾...所謂長痛不如短痛...所以我一定會做呢個測試...雖然準確度唔係100%...但起碼都會知道機會性大唔大...買個安心

大比之後應該叫乜嘢好呢

大板之旅無限期延遲
起碼有年幾時間冇啖好食
負擔越嚟越重
一日有48小時都唔會夠
全因大比2號
暫時未諗到幫佢改乜花名

 

好姊妹們話我好勇
肯生第二個
其實我從冇諗過我人生會結婚之餘
仲會生B
而且會生二個
一切都好amazing

 

老實講
如果今年再冇B
我真係封肚唔生啦
除咗資金問題
仲有人年紀漸大
邊仲有咁好精力對付啲小朋友
所以老一輩成日都話 : 有仔襯嫩生
不過亦想到而家社會環境
根本冇乜機會你揀襯唔襯嫩生

 

比爸話我好好
一生人最夾個兩個生肖都有齊
兔女郎同馬(唔知仔定女)

咁我都要多謝上天厚愛

知我鐘意馬...趕及送隻馬馬俾我

 

不過點都好

最緊要佢哋健健康康

開開心心咁成長

乜都值番晒
貪心啲話
最好加埋聽教聽話啦

初次接觸手足口病

星期日...大比午睡後見佢面紅紅...比婆婆都話佢唔對路...我話係唔係天氣太焗熱...所以咁樣

到了晚上...大比瞓瞓吓...我發覺真係唔對路...佢有輕微發燒
因為大比之後發燒有不良前科...所以6歲前佢一發燒我哋都特別緊張
千萬唔好高燒...拿拿聲俾佢食退燒藥...希望冇事

成晚我瞓得唔淋...因為要留意住大比退咗燒未...有冇再燒過
好彩燒退咗...所以今天我都諗住帶佢返學...始終冇人湊佢

因為上星期五學校開始有懷疑小朋友中咗手足口病個案
今日返學時大排長龍
要每個小朋友都檢查清楚
而且大比個班有個小朋友都懷疑中咗招冇返學
亦有幾位同學仔有發燒而今天告假
真係唔知係因天氣焗熱時晴時雨影響而發燒
定係手足口病嘅潛伏期
有唔駛返工的媽媽為安全起見
就自行停課避一避風頭
老師們都讚成家長們咁做
大家都有好處

我交代老師大比情況後我都返工
整日同啲媽媽whatapp消息
諗緊...係唔係都俾大比避一避風頭
而家佢身體弱...分分鐘意易中招
叫比婆婆湊住佢一星期先

點知呢頭諗緊...下午老師就打電話俾我...大比又再次發燒...老師們都好似我咁...知道大比情況...都好驚佢發高燒...所以建議我早啲接佢放學帶佢去睇醫生好
冇計啦...試過上次一獲...我真係怕怕...原本諗住我帶大比去睇醫生算...不過最後都係叫埋比爸一齊去...有乜事都好...多個人照應

點解隔一排就要幫襯醫生呢...真係驚醫生冇飯開咩
次次嚟醫院睇証都係咁多人...今次起碼又要等番粒幾鐘
好彩大比今次精神好OK...我擔心少啲
輪到睇啦...唉~~~真係有手足口病嘅病徵...
可幸係...及早發現...而家只係口入面有兩點白點...手同腳都未有點點
希望食消炎藥打得抵...只要唔發燒...一切都易辦事
不過呢...學就一定唔返得...就算有冇事都好...我都諗住俾大比停課嘅
有咗手足口病...醫生會開假紙證實...之後要報告俾學校聽...然後要俾埋假紙學校...等學校上報教育局同衛生處...到第時要返學...仲要去睇一次醫生...又係要醫生寫証明你冇事...咁先可以返得學...so麻煩...即係有了呢個病...你最少要睇醫生兩次

手足口病傳染性強...所以人人都驚
小朋友普通傷風感冒都照顧得好辛苦
呢個病就梗加...小朋友越辛苦...家長越難受
所以希望大比食咗藥會好番...減少痛苦

醫生話每逢初夏開始...呢個病就高度危險...好難教你點可以避到佢
不過小朋友漸長大...身體強壯咗...會漸漸好啲嘅
而家中過一次招...就會對乜種腸病毒有點免疫力
但病菌年年都會進化...所以下次有新品種...又好難講
係囉...以前我哋邊有咁多花樣百出嘅病架
人類進步同時...病菌亦一樣

大比返學後過的父母親節

每逢小朋友上幼稚園
一到母親節同父親節
總會有點表示

大比學校都唔例外
除咗有小朋友做我小手作送給爸爸媽媽外
學校都好窩心辦咗個親親爸爸媽媽攝影區
影底呢一年父母親節的喜悅

其實當初母親節時
我冇乜特別感覺
所以都係照平時放工先去接大比
點知老師話仲有時間影相
咪去影吓囉

入學校接大比
佢就親手送咗條頸鏈俾我
黃老師仲同我講
大部份都係大比自己親手做
好叻叻
個一刻...真係有種唔識形容嘅喜悅
雖然唔係乜嘢貴重物品
但個份心意加上第一次收到
我真係好............好開心

因為有過一次經驗

今次輪到父親節

我同比爸講

如果你可以早啲放工

就去影張相

呢啲回憶會買少見少架

下年唔想仲有冇呢啲活動

而且...做人睇得化啲

都唔知有冇下次

唔係話睇得灰

而係有啲嘢

及時行樂

唔好成日都話下次下次

今次同下次又會唔同

美好回憶多次都無防

最後比爸梗係有去

佢話係好開心

大比見到爸爸接放學亦都好開心

呢個係學校佈置父親節的壁佈版
好有心意呢

大比沙灘武器 ~~~ Kitty水槍

原本諗住今朝去泳池游水
但係我真係唔太想去
所以同比爸講
要去就佢自己帶大比去
我套泳衣唔啱著
要等我買套新的才去
最後就梗係連比爸都唔去啦
一嚟佢唔想又係佢睇住大比游
二嚟琴晚打完CQB
個人都攰攰哋
真係唔明
水有乜咁好游

下午夏日炎炎
最好就係去商場嘆吓冷氣
屋企可慳番啲電費

食完個lunch
完到有份子雪糕食
之後問過吹嬤嬤係乜
佢話好似食空氣咁
所以問比爸想唔想試吓空氣係點
大比已經話要食
剛剛叫佢食粉就話飽
而家有雪糕就話餓
所以零食呢家嘢
不用教...小朋友都會自然愛上

曲奇分子雪糕




比爸話
如果冇啲曲奇碎
真係放咗落口都冇食過嘢咁
但係你食到有味道
不過食完條脷有啲似食冰的感覺
鞋鞋哋

之後就約咗Fanny攞支kitty水鎗
$190蚊...唔算貴...佢係韓國入貨
不過勁得意
Facebook賣點
https://www.facebook.com/media/set/?set=a.254374024749139.1073741845.170894079763801&type=1







射啲水出嚟都幾勁吓


有咗呢支水槍
就梗架成日嘈去沙灘啦