轉用ERNO LASZLO後

因為一舊皂...我就開始留意到呢個牌子

一直用開皂洗面的我...係用緊雪花秀...不過佢啲護膚產品對我嚟講一般...唔係話唔好...我嫌偏立...我唔太鐘意

 

之後就轉用咗ERNO LASZLO嘅皂...

幾好喎乾淨得嚟唔會塊面又乾又緊

 

跟住就用埋保濕水...

開始諗住佢睇落立痴痴...驚用完塊面會好立...但係佢好快就吸收晒...塊面係潤得嚟乾爽...就算而家冬天用...都夠晒保濕

 

之後就買了一樽帶有粉底的化妝液...

係夏天時用都good...可以幫我控制T字位的油

 

剩洗面唔夠嘛...雖然我懶...但都要做吓磨沙...經sales姐姐介紹後就買埋C peel

隻磨沙有手感之餘...但又唔會洗到埋面鞋...因為佢除了樽磨沙外...仲加埋啲油一齊推...用了一次...我真係睇到鼻頭的黑色點點少咗...因為我實在太懶...好N耐先做一次...所以不能一次過冇晒...所以如果有記性的話...應該會好OK...一星期用一至兩次

 

仲買了一支牙膏裝的cream...

類似深層清潔mask...主要敷T字位...如有暗瘡...敷幾日...仲好快謝...唔會搞到又紅又腫咁...感覺係冰涼...薄薄敷一層...快乾...十分鐘就可洗面

 

見用佢啲產品都唔錯...就開始轉埋眼霜...面霜同精華素

 

哈哈哈~~~呢啲先至係重點...之前買的都唔算話十分貴...中價偏貴啦!!!但今次我買的...三樣嘢...已足夠我成為VIP...以後買嘢都有九折...其實佢啲嘢咁貴...隨時都可以做到VIP啦

 

呢三樣嘢就係夢露系列 Phormula No.3-9

眼霜 $19XX

面霜+精華素(聖誕set) $3XXX

 

賣到咁貴...就真係睇吓佢哋有幾好啦

 

講真...自從我要生大比後...已經冇化妝...護膚程序就一步一步減少...到而家只係~~~

每天洗面

只係早上才做護膚(保濕水...眼霜...面霜...夏天時就會記得搽吓防晒咁)

一個月先做磨沙同清潔mask

就係咁多...零fanical...零敷mask...但我轉了呢個牌子後...今年轉季...個個都話塊面敏感又乾又爆...但我係一啲事都冇...晚上護膚係最好最重要...我連呢點都缺...但塊面都仍過得去...呢個牌子...有番一定質數

sales姐姐話我...唔好咁懶啦...晚上搽番嘢...之後效果仲梗好呀!!!

 

與其買咁多產品...如果幾樣就搞掂有個唔錯嘅效果...貴少少都值得...買買埋埋咁多...計條數...分分鐘仲駛得多...我而家最緊要係簡單方便而又得到我想要嘅結果就得

 

其實有乜問題...可以去shop問...間shop我發覺成日冇乜人咁...起碼我次次去都係得我一個客...所以啲sales姐姐好有心機介紹乜產品啱你...你可以話賣到咁貴...一定有番咁上吓服務...係可以咁講...但去其他護膚品牌一樣有貴貨...但我發覺唔係俾強國人攻佔...啲sales都懶得理你...一就係啲sales對住啲強國人對到忟...都已經冇乜心情招呼你...真係問多幾句都嫌你煩...呢個品牌...暫時我未見有太多強國人買(但都有...少少少許囉)...所以可以一試