食完個早餐...去惠康買完嘢...係回家路上...大比見到有個小朋友幫手亞媽拎嘢...佢就請纓要幫手
比爸話 : 上一刻先至賴死唔行要抱...肯自己行已經好啦...仲話幫手拎
佢要拎咪俾佢拎囉!!!
只係1分鐘嘅路程...俾佢行咗10分鐘出嚟
行兩步又話重要停一停
行住又話個夾甩要夾番好啲頭髮先...好老積咁學人用腳夾住袋嘢先整
後嚟比爸真係頂佢唔順...叫佢咪鬼拎啦!!!唔該拿拿聲幫忙行番屋企啦
下午就約咗公公婆婆舅舅去影畢業相
本來就唔影嘅(我細佬已大學畢業完...呢次係碩士畢業)
我亞媽話 : 影過一次...第二次個衝動唔大
但我亞爸話 : 呢次碩士喎...唔同...人生有幾何可以碩士畢業
我也是影唔影都得...最緊要主角(細佬)肯影就OK...不過都想大比沾吓啲氣...希望佢可以似亞舅咁...肯主動讀書而又讀到書就好啦
比爸本來又係唔去的...約咗人打war game...但game幾時都有得打...呢啲機會就唔係成日有...好運的話...影完呢次...下次就要等大比有冇咁嘅本事...做父母嘅我哋有冇咁嘅福氣啦!!!
有比爸去有一樣好...有位比我哋專業的攝影師嘛
我哋唔係去大學影...我爸媽比較懶...懶出遠門...所以揀咗屋企附近嘅公園影就算
城門谷~~~OK架...又大又唔多人...唔怕影到身邊好多雜物
我哋除了影相...大比會有多樣活動...公園多好嘢玩嘛
而且亦好難得有咁齊人陪佢一個咁玩...公公好嘢...陪佢一齊周圍走...周圍玩...我冇咁好精力啦(而且今朝俾大比食了我大份早餐...我只食塊豬扒)!!!你哋慢慢陪佢玩
影完相...我就同比爸去一田shopping...撇甩大比二人拍吓拖
雖然一田開多咗分店...但沙田呢間依然係咁多人...不過唔係以往般迫到沙甸魚咁...行都行唔到...點買嘢喎!!!
成日話每次減價...都係好多人買喼...乜啲人用完一次就掉...所以成日都要買喼...今次我哋都加入買喼行列...買個最大size...比爸講得好好聽...為下次大板之行用...好...聽住先...都唔知幾時可以成行...但個喼唔會白費住...因為真正用途係...放佢打war game嘅嘢最實際
除了買喼...買襪...買褸(好抵...我同比爸可兩份著)...買tee...不忘買份玩具俾大比...kitty琴...佢咁乖冇扭要跟住我哋...係咁易都要俾番啲甜頭佢...順便測試吓佢鐘唔鐘意彈琴...唔鐘意的話...唔駛浪費金錢同時間叫佢學琴嘛
今朝仲係好好天...點知黃昏時就落大雨...即刻涼咗幾多...果然嚟緊呢個星期會轉涼...因為我哋影相時仲大汗細汗滴緊...完全feel唔到會凍...亦好好彩...之前仲有太陽...如果落雨...就要取消冇得影...好可惜架!!!