學校的再生功課

大比學校呢兩個月都係講緊環保課題...之前就寫了一些從家庭做起的環保信息...今次就要做一啲手作仔...用冇用嘅物件...變成有用的物品~~~再生~~~

 

呢啲活動...其實可自由參加與不參加的...我都有想過唔做...比爸話 : 我俾咗學費架...點解仲要我做功課!!!哈...而家嘅學習模式呀...功課...唔一定係小朋友做的...家長都要參與

 

就係一直諗住唔做...所以一直都冇行動...但直至前兩天...自己突然想想...萬一第時大比問起 : 媽咪...點解我哋冇參加呢啲活動嘅???到時你話點答好...與其編一個籍口...不如好好醜醜都整一件作品出嚟...起碼有參與過

 

大比乜都唔識...好難叫佢做到啲乜...不過叫佢幫吓手執頭執尾...算叫有手指模留低過係份作品度

 

動動貼貼告示板~~~

 

由紙皮 ; 牆紙 ; 用過嘅紙 ; 膠樽 ; 膠盒 ; 包裝用過的麻繩而造成...磁貼同夾仔就係屋企用緊嘅材料

 

我整咗啲數字粒...從數字起教小朋友去認識日子...今天是幾月幾號星期幾...自己動手貼上去

小夾子可以夾乜都得...學校通告多...夾住啲通告最好...或者夾吓相片裝飾都可以

而啲膠樽膠盒...就係用嚟放數字粒 ; 筆或者其他物品(膠樽放的位置...係大比叫咁樣排放的)

 

最後左諗右諗...冇比爸參與唔得喎...所以就諗到...叫比爸鑽燶...因為啲膠樽膠盒用AA膠痴上去都唔穩陣...我想到就係鑽燶...將佢哋用麻繩扣係個紙皮上面...咁就穩陣得多

 

 

 

 

其實呢個都未係最後完成品...因為今早起身望一望...先發覺唔記得鑽兩個燶係頂部...唔係點掛起塊板呀!!!咁就拿拿聲搞掂埋佢...所以冇時間影底最後完成品了

 

冇諗過會唔會得獎...算叫有作品交出...對得住個女吧!!!

 

嚟緊仲有一份...都係自由參與的...設計慶校50周年

手作仔我還可以...講到設計...未搞我...所以我叫比爸搞掂佢...話晒佢讀過design...點都畫啲嘢去交差好喎!!!