比爸第一次自己去開家長會(返學校聽講座)...因為我要返工...本想請假一齊去嘅(都俾咗兩個人錢)...但係下星期六學校又有活動...所以今天都係派比爸去算吧(當然...都要帶埋隻麻煩比在身邊啦)
個講座大約講父母同子女相處中...點樣一同學習...點樣一同成長...我雖然冇去聽...不過從比爸口中聽返...其中有一樣我哋一定會犯過的...當火遮眼發脾氣時...對住小朋友講咗啲負面說話...例如:唔要你...呢句...大家都會講過吧...可能係冇心一句說話...但小朋友聽了...可能會造成好大影響...影響大家的關係...另外就會講到從一啲遊戲中...建立大家嘅關係...亦可以俾小朋友發揮吓創意咁
始終我本人冇去聽...所以唔會知得太詳細...不過有一樣肯定係~~~脾氣~~~父母教子女之前...一定要有好脾氣...咁先可以從正面方向教導好小朋友
聽完講座...比爸就帶住大比出嚟銅鑼灣等我放工
Time square外面已放了聖誕擺設
人唔算太多...就帶大比去影吓相
之後諗緊去邊度醫肚時
突然想起"阿貓地攤"...之前睇一位blogger的blog帶了佢囡囡去...而且又想起我以前又要愛去
我估大比應該會鐘意去
期間本來都有幾次想放棄唔食...搵過第二度開餐架啦!!!居然係比爸堅持等下去
首先搵唔到個大廈問口係邊度入...兜咗一個圈後本想放棄...但比爸唔信再搵多次...搵到...係我哋走漏眼
上到去...比起佢未搬之前個度細好多(佢雖然搬家咗好耐...搬家後我未有去過)...所以要等位...等吓等...等吓等...因為呢度唔係一般餐廳...食完啲人就走...呢度就好似cafe咁...hea吓一班朋友傾吓計...玩吓貓...真係唔知啲人會幾時走...比爸係一個怕等位的人...我都叫比爸不如下次再嚟...去過第二間食...等位的地方小...又越嚟越多人上嚟等...但比爸見到大比見到啲貓好興奮...所以決定繼續等吓去
終於有位了...開頭係坐住人哋度先...因為佢哋未人齊...之後人齊咗...我哋就得換枱...講真...如果係一般餐廳...比爸真係走咗十世...有乜咁巴閉...但係就係因為呢度有特色...而且啲食物又唔差...所以比爸覺得係值得的
大比開心架...除咗有貓貓玩...啲食物又啱佢食又好味...最緊要係唔駛一定坐掟掟食嘢
大比已經鐘意食pizza...仲要有貓貓樣...佢好興奮
期間有隻肥貓行過...大比一啲都唔驚...走去摸...不過隻貓頂唔順大比~~~好煩...要行開一陣...哈~~~
跟住又有其他貓行過...大比就梗係不忘抽人哋水啦
比爸也來一玩
個甜品差不多係俾大比KO晒...睇佢個樣...就知有幾好味
睇嚟兩父女都好鐘意呢度...算係冇介紹錯吧
大比話下次一定要再嚟...比爸都話可以多點上嚟
以前我都會常嚟呢度hea...等人...因為有貓貓在...同佢哋玩吓...時間會過得快啲...既然佢哋亦愛呢度...以後又可以常來
沒有留言:
張貼留言