兩口子又去飯堂開餐

因為比爸就嚟生日...佢啲朋友今晚就請佢食dinner

奶奶亦因為有大劇睇...今晚唔係屋企食

所以我接咗大比放學...就順便帶佢去食埋dinner就回家

 

兩條柚仔會去邊...大比永遠都話食壽司

佢真係好鐘意食壽司...果然係我個女

 

食食吓期間...不經不覺發現

原來大比已可以用筷子夾嘢食

一次比一次好

其實冇刻意教佢

只係每次食壽司都會比筷子佢用

夾多幾次...就會慢慢掌握到

每次佢一夾到

都會興奮展示俾我睇

咁我梗係唔會忘記俾個叻佢

呢啲滿足感...任何年齡嘅人都會想得到

 

 

本想慢慢嘆住食...點知大比一句急尿...係喎!!!我唔記得佢係冇著片片添...叫大比忍住先...拿拿聲埋單返屋企...雖然商場有廁所...但我拎住咁多嘢...又點帶佢去...搞得嚟...我都已經返咗屋企啦!!!好彩大比自制能力有番咁上吓...可以返到屋企先屙...唔係...我幾哩hea吓架~~~