爸爸媽媽著咗草...諗住冇得回家玩我最愛嘅活動...會好無聊...
點知咁橋可以約到幾個fd出嚟犯罪（飯聚）吓...吹吓水都好...
又真係點知...明明睇住大比就嚟好...藥嘅療程即將完結...但今日無拿拿狂咳又流鼻水...咳醒咳到嘔...乜料先...
我係有節目呀...不過全部都唔係我預定之中...
飯局取消...拿拿聲帶大比又睇醫生...比爸又嘆氣...又飛走一年衣服錢...比爸仲話...唔該日後啲人話說話小心啲...信唔信邪都好...係小朋友面前真係唔好亂講嘢...乜嘢病得嚟塊面仲精神飽滿...睇吓而家...唔止個細辛苦...大人都要陪埋苦一份...唔該...食埋今次藥好番啦得冇~~~
晚餐不想叫外賣...所以都係自己煮好
但我廚藝係有限公司...所以唔會煮得乜嘢款式出嚟
比爸又話想食咖哩(因為我奶奶是不會煮的...要食一係自己煮一係回我娘家吃)...日本咖哩我就識煮...印尼咖哩搵番我亞媽先食啦...
去一田超市買食品~~~
咖哩磚(最辣味...最辣都唔係好辣) ; 紅蘿蔔 ; 洋蔥 ; 雞翼(巴西中size肉質才嫩口啲) ; 珍珠米
雞翼因臨時臨急想食...所以只好買醃好的...自己醃起碼最少一日先會入味...煎一煎佢有七成熟就OK...留了四隻俾大比...因為佢唔同我哋一樣食咖哩嘛
紅蘿蔔切粒...然後加水;加少少糖;少少鹽;可以的話加埋少少雞粉...慢火焗幾分鐘焗到軟身就OK...基本上焗到收水啲紅蘿蔔就會軟身...睇你口感啦...鐘意食林啲就多少少水...唔鐘意太林就唔好放咁多水去焗
洋蔥我又係切粒...易爆香之餘...又易入口...太大片我唔太鐘意食
爆香啲洋蔥到金黃食...再落埋紅蘿蔔再炒一炒...然後落水...再放埋咖哩磚搞溶...之後就放埋雞翼...慢火煲佢5-8分鐘左右...睇吓你鐘意啲汁結啲定希啲啦...咁就搞掂...呢啲就係我懶人煮法
再整熱埋個金寶袋裝栗米湯...又一餐啦
係呀!!!食呢啲日本咖哩...比爸話一定要配珍珠米才好食
咖哩辣...唔啱大比食...就另配栗米汁俾佢
罐栗米汁係琴日去一田買綠茶時counter亞姐送的...話細路仔鐘意食
沒有留言:
張貼留言