何時回到從前的瘦

每次執衣櫃...都會搵到唔少以前的回憶

家裡自己用的地方有限...所以相簿係收埋係衣櫃裡面

好出奇...而家仲會有相簿呢回事

雖然而家科技發達...隨時隨地都可以睇番啲舊相

但係只係睇...未必會有太多聯想

以前冇小朋友時...比較得閒

所以一有大型活動的相...例如去旅行咁

我一定會整本相簿...記底個次去旅行的經歷

有相加埋啲字...會比較精彩囉

 

今晚搵番同比爸拍拖時去澳門的相簿

哇!!!我都有靚過青春過瘦過(雖然都有少少肥...但已是我人生中最瘦的時候)的

當時大家都鐘意玩影相

所以影嘅相都算叫有啲美感

當時仲俾啲friend笑~~~老模~~~(人哋後生叫o靚模...我上咗年紀嘅咪叫老模囉)

 

睇到某一頁...

比爸就問~~~

你幾時會變番以前咁瘦???

哈哈哈~~~

我自己都不停咁笑...

我都想知到答案~~~

 

 

而家...唔好話變唔變得番...唔好肥落去都偷笑了

 

大比出世後...成日都忙到冇時間

之前我哋一家人去的第一次旅行

我都未整本相簿

真係要著手整啦

唔係年紀越大...記憶力會越退

到時記漏咗啲嘢就唔好啦~~~