學校...我選對了

中午到大比學校餵藥...同時間有同班的媽媽又係等餵藥...大家就閒談一回...然後有幸被邀請加入個whatapp group...係一班N班的家長...我當然好高興join埋啦!!!

平時送返學時...都係匆匆忙忙...頂多都係打個招呼...有些媽媽不用上班...就會約埋一齊食個早餐傾個計...分享交流...我呢啲要返工嘅...想八掛吓都冇時間...而家join咗個group...就可以知道梗多學校事...收吓風嘛...咪成日都烏啄啄咁

傾吓傾吓就講到興幸搵到一好學校...雖然唔係乜嘢名校...但係小朋友鐘意間學校...學校環境好...最重要係老師們都好有愛心...呢樣先難得

你可能會質疑...家長面前老師們一定會表現好嘅...其實從一啲細微細眼嘅事...都已經可以証明到老師們是否真係有愛心

接放學...尤其我哋呢啲N班...尚在適應期...家長一定有好多嘢問...一個老師照顧15個學生...真係少啲愛心同心血都唔掂...家長們一定會問個學生今日點呀...咁樣呢...有乜呀...真係事無大少都會問一餐...但係老師們都可以解答得到...雖然唔會話好詳盡...大佬...照顧咁多個...絕不能連幾點去尿尿都記得呀!!!但起碼食唔食得飽...有冇瞓到覺...戒片進展如何...上堂情況...是日有冇問題發生...都一一解答到你...我就好滿足啦!!!

好似老師講大比脾氣大...要我哋點樣配合教導...以前咪成日話啲老師鐘意乖巧嘅小朋友...啲曳嘅常常被忽略...講真如果老師冇heart...佢當照顧少一個唔好...駛乜要用多心機去教...大比而家...脾氣真係收斂咗好多...雖然間唔中都仲未控制到...但已比起以前在家時...好好好了好多

另外...小朋友現階段係未識講大話住...說話同表現都係好直接...大比係出名孤寒...如果遇上自己鐘意食嘅...仲會超級孤寒...甚至連我呢個媽媽都得不到分享...但今天我接大比放學...見冇乜家長接...所以可以同老師傾多一陣計...期間大比食佢愛食嘅餅...班主任都說呢隻好食...問大比請唔請老師食呀!!!在場仲有一位教高啲班嘅老師...那位老師雖然唔係教大比...但都好鐘意同大比玩

神奇事發生...大比居然請老師們食餅呀...我都估唔到...我以為佢會話唔請架!!!請老師食之餘仲餵埋老師食...你話...如果啲老師唔好...只係你面前做表面功夫...小朋友好易話為...邊個對佢好...佢實會鐘意甚至亦會對番人好...呢一刻...你仲有乜嘢懷疑...唔好話滿意...應該係話放心添啦!!!

同老師們分享昨日大比食壽司嘅滿足樣...大家睇完都開懷大笑...其實我知老師都仲有好多嘢忙...但都想同家長多啲溝通...對小朋友個發展...好有幫助

現今童年嘅快樂時光越來越少...所以都希望係學習同時都仍然有快樂時光俾小朋友...睇大比成日都話要返學...就知道...我選對了~~~

後記~~~
大比早幾日唔見了個髮夾...班主任今天送了個給她...佢好開心...老師話我知今日佢成日都拎出嚟睇...睇完又收埋...小朋友就是這樣...哈~~~