沙田抹茶館

想唔駛錢...就真係唔好出街

一出街...啲錢就駛唔停

為了重視今次減肥...專登買個電子磅
呢個牌子...朋友介紹好用...耐用又精準
而呢個型號...是唯一一隻made in japan



係推廣counter內...又掃咗啲綠茶

跟住就買了大比啲底衫...準備換冬季校服時打底用...冬天冇理由仲著背心呀...而且可以當睡衣...大咗嘛...上年的已變得窄身了
本來有諗住買一套套的睡衣...但諗到當天氣真係凍時...朝早要佢換走件暖粒粒嘅衫...咁點解唔直接買件底衫當睡衣...一瞓醒...就套上校服係面...保暖又快脆...唔駛驚一個唔小心...冷親
一直用開都係mides的內衣...舒服又不易走樣又不易殘

大比醒了...係時候醫肚
lunch去了呢間食...未食過...試吓
(二人枱好快有得坐...三人或以上...都等幾耐吓)



叫了杯大size抹茶飲品



我同大比食拉麵
(不過不失啦...不能與專門食拉麵的店比較)




比爸因為之前買綠茶時聞到咖哩味...所以就點了咖哩飯
(啲咖哩幾好味...豬扒都OK...不要要求太高)



埋單計唔駛200蚊...算唔錯啦!!!



諗住去埋CCK買埋儲物袋就閃...但sales姐姐話買滿400蚊又download埋個app...就可以即時有八折...咁就買多件外套同毛毛背心...件毛毛背心係for大比返學用...真係好凍時...著係校褸內...暖好多架...而且佢好輕身咋...又軟眠眠...不過好多碼已斷...尤其係卡其色...粉紅色的會多少少貨

洗咗咁多錢...比爸話都係快啲速逃
點知當去到火車站口...比爸就俾一個黑色burberry袋吸引住
呢個袋係要買香水先有得送...比爸就第一時間問要買滿幾錢
千三蚊~~~唔難買架...買兩支香水就已經換到
比爸以往都有噴香水的習慣...只不過婚後少之又少
因為我~~~我唔鐘意香水味...所以佢好想買...但都要問問我
我對呢啲香水O唔OK先...
木味嘅香水...我可以接受...或者輕輕香味的...
即係要真係聞到埋去先至有淡淡清香個啲...都仲可以
甜味同濃味...我就完全唔接受
最後比爸買了parda嘅皇牌香水同burberry的木味香水
就換到此袋



換袋的那一刻...我突然想到一位朋友~~~R啫啫

好啦!!!快啲返屋企啦...再留耐啲...荷包乾硬化又病發架啦!!!