我最鐘意同我呢班朋友一齊犯罪(飯聚)...因為每次都有好嘢食...甚少失手...貴價又食...平價又食...最緊要係值
以前我寫blog...每次同佢哋犯罪都會整番篇...所以當時大家都習慣食前...要等影相先...不過漸漸我懶了...唔寫...加上有了大比後就梗難同佢哋犯罪...而家既然寫番blog...就梗係要記低每次難得的聚餐啦~~~
本身佢哋都鐘意打邊爐...加上而家冬天(雖然仲未係好凍)...打邊爐真係不二之選
千鍋居~~~好幾次佢哋都話想食...但成日都話book唔到位...就令到我呢哋朋友就渴望要試一次...今次終於book到啦!!!
原本比爸同大比都同行...先係話唔去(話驚去完植樹好攰)...之後又話去(因為屋企冇飯開)...沖完個涼就諗諗吓唔去(太舒服唔想再出街)...但係出門口一刻...大比見我出街又要跟埋(咁唯有換衫一齊去)...落到樓下諗住搭的的...大風...叫大比著外套...條柚仔唔肯...扭多兩扭...有性格...話唔去喎...同爸爸返番屋企...xyz...呢兩條木咀...真係兩父女嚟...同是有麻煩的基因因子...不過佢哋唔去好...我自己...食得安安落落...舒舒服服...今晚有飽飯食
講番間鋪...上湯底個速度比較慢...所以最好一開始就諗好落order先
鮮茄桂魚湯
好濃的蕃茄味...桂魚亦好滑...唔好食魚的我...都食咗唔少片
湯一上就建議我哋飲湯食魚先...魚要快食...滾耐咗就唔滑架啦!!!
個湯底俾我哋飲得七七八八後...先至再加上湯...開始打邊爐
牛肉粒同黑魚片最值得推介
埋單$1792(5大人1細路)...我哋冇加每人$15的豉油醬料費...其實湯夠濃味的話...食物夠新鮮...係唔需要點醬料食的
另一樣要注意係...店內...好熱...冷氣唔多...所以唔好著太厚衫食...唔係就一路打一路標汗
正餐食完...例牌會食埋甜品...就就哋腳...松記啦...哇!!!超多人等位
其他甜品冇影相...呢個要影...因為個賣相有點嘔心...個雪糕球好似腫瘤咁嘅色水...加埋有少少士多啤里汁...好似血絲咁
我就食心太軟...平時我好少食...因為嫌偏甜...但呢個OK唔太甜...朱古力味重...而且仲有曲奇味雪糕揀
滿肚肥腸...滿足地回家去~~~
沒有留言:
張貼留言