麥記的吉豬堡

今天早上...早餐烚了兩隻食...成日都話減肥...真係俾啲行動出嚟先得架...

運動已經唔做...再唔從食方面著手...繼續肥下去吧!!!

琴日同朋友傾完一輪電話後...得到啲啟示...

蛋白質~~~原來對減肥幾重要...有助消脂的...

要我立刻一日三餐改變模式係冇可能...所以由早餐開始...

食冇肉的包頂唔到...咁就烚蛋啦...我鐘意食而且會飽肚...

 

不過一到lunch...經過麥記...原來出了新嘢...心郁郁下...又犯禁了...哈哈~~~

望落個盒面...賣相幾吸引呵~~~

 

點知一打開...

睇得出lunch時候好忙...個包好似打完風咁~~~ 

 

 

食完...朋友話一星期有七次犯禁...呢餐用咗一次...但唔值囉!!!

個吉豬都唔脆嘅...味道又一般...又係冇下次囉~~~

早知乖乖哋買碗雲吞米食好過