大比作病...暈暈暈

大比作病...頭暈嘅唔係佢...係我

比爸就輕鬆呀!!!一早走去打war game...湊正常嘅大比就冇問題...但係湊一個作病嘅野蠻女...就想死

自己湊得佢唔好...有乜事...事後執手尾都冇得冤...但係係其他人嘅所以唔小心...要我善後...我真係都想XYZ

事緣琴日出街...比爸比咗件大領口嘅衫比大比著...但入面冇著背心打底...當我放工join佢哋時...一睇到就已有不祥之兆...而家其實已轉天氣...話仲係熱姐...但都吹起啲秋風...其實都要注意唔好冷親啲頸同膊頭位...加上出入商場啲冷氣...唉!!!我係有帶定外套...雖然都立即俾佢著...搏補救得番...不過今日睇大比個款...打咗幾個"呀次"...開始發作啦~~~

原本近排大比因為返學唔夠瞓加上始終未習慣校園生活...所以都特別痴身同爹...而家加埋唔多妥...今日佢郁啲唔滿意就喊...就發脾氣...oh~~~~~~~~煩到我呢...想小佢但係諗真啲都係無補於事...婆婆帶佢落街行...熟人到佢叫佢又喊...我亞媽都話佢係唔多對路...平時係商場乜都啱周圍睇周圍行又會叫人成個八妹咁...但今日就行幾步要抱...攞命

折騰咗大半日...最終同佢沖完涼佢頂唔住...眼瞓瞓咗...晚飯都冇食...好彩之前有食咗啲下午茶...兼啪咗粒藥俾佢食...呢一瞓佢可以瞓到聽朝早...瞓得俾佢瞓啦...始終有足夠嘅休息都有power打底啲病魔呀!!!

返到屋企...好彩佢肯落番床瞓...唔駛再抱住...雖然鬆咗一口氣...但係一見到我老公係度打機...即刻變番一肚氣...即刻張家輝上身...揪佢幾嘢...吼~~~~~~~~~~~~

瞓醒一覺希望大比冇事...明天精精神神返學