重拾著牛仔褲的信心

自從有咗之後，就冇再著過真正嘅牛仔褲了。就算生完至今，著的所謂牛仔褲都係有彈性，橡根褲頭。因為我真的著唔落，除非去買個啲好多個X係L前面個啲size啦!普通shop的牛仔褲，買到最大size我都係扣唔埋鈕。

 

今天行過zara，比爸例牌要巡視一番，好搞笑架！佢唔只睇男裝，童裝一定會睇，就連女裝佢都睇埋。先見到件tee，佢話唔錯，但係短身喎!我全屋都是legging，一就係短褲，天氣轉涼了，仲短褲咩!咁短配legging又遮唔到個pat，話送俾我都配襯唔到啦!我話一就送埋牛仔褲差唔多。開頭比爸唔制，話越送越大，但佢巡視過啲牛仔褲後，有兩條唔錯喎!叫我去試。唔駛諗一定要攞到最大size，我都係抱住試嘅心態，心諗多數著唔到，就算著到都會超窄。我返工要坐架，超窄，咁點坐。不過比爸串我，話條牛記成條板褲咁寛，咁都著唔落............之後嘅佢冇講出口我都知佢想講乜。哼！！！！！

 

試第一條，咦！著到喎！有點鬆，問比爸著出嚟個型得唔得，都ok喎！再試第二條，著得上但有點窄，個句囉！企係度冇問題，長坐我驚會有靜脈曲張。本應就係買一條，比爸送喎！梗要。但比爸話另一條梗好睇，姚！！！心郁郁，hehe，個條仲有大一個size。好買埋佢，今個月雖手緊，但難得對牛仔褲重拾信心，信自己著得番，唔再依靠橡根褲。買了亦俾個警惕自己，唔好再肥，要著番啲型啲嘅衫，唔好再係肥C9喇！