逃不出食抗生素的命運

大比瞓到零晨時份,咳醒咗,跟住就扭計冇再瞓番。
但其實佢好眼瞓,不過佢同我講,話耳仔好痛。

我第一時間諗到...可能係啲菌入咗耳仔...不過都係睇定啲先...先同佢按摩吓個耳仔...大約20分鐘度...睇吓有冇好轉...因為驚會係佢瞓嘅姿勢唔好...壓住個耳仔而痛
按咗一輪...大比係半瞓半醒...再問佢耳仔仲痛唔痛...佢話仲痛...仲用手指撩耳仔...咁應該冇錯啦...耳仔入面發炎

跟住拿拿同比爸準備帶佢去睇醫生...點半鐘...冇得揀...係去法國醫院睇...橫掂以往都係帶佢睇開呢間...啲藥好啲
比爸驚半夜難搵的士...打電話搵爺爺睇吓係唔係附近...不過唔係...冇計啦...難都要搵
點知一落到街...啲的士一部接一部返...比爸仲話啲人咁唔健康...咁夜都仲唔瞓...哈哈~~~
上到的士...司機都話而家先係黃金時間...試吓出尖咀睇吓...大把人搶的士...門都拉見都得...誇成咁

果然真係中耳炎...啲菌困咗係度...之前食嘅藥已經冇力...要開啲勁嘅兼要食抗生素...唉~~~真係避免唔到

真係用錢買時間...前後一個鐘已回到家...不過呢...埋單時...比爸話佢吹走咗件衫...904蚊...好貴囉!!!

 

 

 

啲藥係唔同啲...唔難食...好似果汁咁 

 

大比又大個女咗...佢識得講我哋知邊度唔舒服...唔係得個喊...睇醫生時就乖乖冇以前驚到喊...食藥都好咗...起碼唔會嘔番晒出嚟(味道易入口)

 

祝佢快啲好番...身體強壯