你鐘意大陸人嗎?!

有文化 ; 捱出頭嘅大陸人其實並唔黑人憎...我遇過好的大陸人...但對於所謂爆發戶 ; 冇禮貌 ; 以為有錢嘅一群極其憎...當正有錢就大晒...不過呢類人都有人鐘意致極...就係係佢哋身上搵到錢搵到著數個啲人

近幾年...有錢又口氣又大嘅大陸人...嚟香港乜都同你爭一爛餐...之前爭啲高尚物品...冇所謂...你哋鐘意晒命...就晒到夠啦!!!但係漸漸連基本需要嘅都搶埋一份...你話唔反感有乜可能

香港嘅學習環境已經俾本地人搞到好緊張...小朋友嘅童年快樂一代比一代少...細細個已經要承受"學習壓力"...回想起我哋細個時...話讀書時代係一生人最開心嘅時刻...點解而家會變成咁...睇埋近日嘅雙非兒童爭學位...唉!!!大陸人...大嘅有大嘅搶...細嘅有細嘅搶...真係壓力越嚟越大

可以係大陸人身上搵到著數嘅香港人...就梗係冇問題...但對於我哋呢啲著數冇我哋份...但要我哋接收晒啲後遺症嘅香港人嚟講...點唔視啲大陸人為敵人呀!!!

望政府打救...仲慘過等中六合彩...
一係發達囉!!!咁都可以解決部份問題...
或者等奇蹟出現...所謂嘅奇蹟就係~~~~~~~~都係唔講出口啦...廢時話我好惡毒...哈哈!!!