大比N1的親子旅行 下篇

上篇 ~~~ http://anbesiu.blogspot.hk/2014/01/n1.html

 

行到又攰又餓...梗係要醫肚先...去流浮山食lunch

是次食飯酒家係~~~新陶園

雖然話係海鮮餐...但都唔係碟碟海鮮...有蝦有魚已算係

 

大比已經話好肚餓...大啖大啖食飯先

 

八餸冇湯...白飯任莊

~荷葉蒸雞(啲雞幾滑)

~蒜蓉茄子(比爸話啲茄子好味...我唔食茄子唔知)

~炒青菜(炒菜差極有個限)

~白灼蝦(都好爽)

~蒸魚(我哋冇食到...係屋企已經餐餐都有得食)

~鯪魚球蒸豆腐(我又係冇食到)

~生炒骨(我同大比都食得最多)

~白飯魚蒸蝦乾(我又係冇食到)

 

食完飯...襯仲有少少時間...就行吓出面啲街檔

海味就冇本事買啦!!!

 

 

 

不過整番碗豆腐花都仲得...好滑呀!!!

 

 

除了豆腐花...我哋仲買多支豆漿...好飲

比爸本來想食炸蠔...不過佢話剛剛食得太飽了...食唔落

 

我哋仲買咗橙...剛剛食飯有飯後果...比爸同大比都話啲橙好甜...咁咪睇吓乜牌子~~~9999...係出面好少見有呢個牌子喎...經過外面嘅生果鋪見有得賣...就買了4個返屋企食...唔知會唔會唔甜呢

 

食飽飽...上車睡個覺...下一站~~~廸欣湖





其實今次參加呢個旅行...我同比爸都覺得抵...係因為濕地公園同廸欣湖我都跟本未去過...成日都話去...但係又嫌遠又嫌搭車煩...而家去完後都覺得呢兩個地方日後可再嚟

只要係N班嘅小朋友...大多數都瞓到好甜...本來話45分鐘車程...但唔駛半粒鐘就到...我都諗緊叫唔叫大比起身好...但係要影大合照喎(今次係全校3架車的家長與小朋友一齊影...又嚟影出嚟個頭得芝麻咁大粒)!!!所以都係叫醒佢...一講有波波吹...即刻醒晒...鬧鐘響都冇起得咁快呀!!!

影完個大合照本來就有個親子遊戲玩...大比又嚟佢啲唔合群性格...係咁話要玩吹波波...唉!!!玩啦玩啦!!!比爸都講...今日係出嚟玩...開心啲...就吓佢啦~~~



玩到咁上吓諗住等啲同學仔玩完集體遊戲就join番佢哋...點知轉個頭啲人走咗...搵得嚟分分鐘又夠鐘上車...所以自己一家四周圍hea吓算






比爸話廸欣湖比較方便去...一大片草原...走入嚟野吓餐都好...整嘢食又得...買外賣又得...再唔係懶啲去呢度間7仔買都仲得

又係下午茶時間...比爸都驚嘆大比又可以食得落一隻包(仲有魚旦呢...我去了7仔買魚旦同司華力腸)...食得瞓得又玩得...細路理應如此架啦!!!


我哋冇走呢個公園...因為自由活動時間唔多...加上都攰攰哋...係草原坐吓等集合算
原來大比啲同學多數都去咗7仔個頭玩...可能佢哋啲家長都覺得...唔行啦~~~好攰了~~~

等齊人上車時...同埋啲同學仔一齊玩吹波波...細路真係好鐘意追住啲波嚟玩...積極啲搵到佢哋...多啲人玩...會更開心囉!!!

一天玩樂完畢...回家沖個靚涼唞唞好
本來又係要45分鐘嘅車程回校...司機哥哥真係好趕住收工囉...又係唔駛30分鐘就到步...我哋今次冇瞓到覺...係feel到佢開得好快...快到我哋有點擔心囉!!!

補充~~~買番嚟啲橙回家後即試...真係好甜喎...但我真係未見過係市區有得賣囉!!!