大比返咗學一陣時間
之前學校派了兩份在學校學習的評估俾家長作參考
睇吓佢哋係學校學咗啲乜嘢
係學習嘅過程中表現係點
大比算是中規中矩
有問題嘅地方老師早前都已同我商討過
學習能力同體能大比都做得好好
只係一啲個人同群體行為上
以及情緒方面都仲有好多改進空間
返學都已一段時間
大比間唔中都會入學校前扭計喊
朝早時見到人時亦未會主動打招呼
在遊戲時大比仍然都係自私鬼
唔識同同學仔一齊玩一齊分享
最大問題還是情緒病
時常會發脾氣...唔聽人話
唉!!!
以為佢一發脾氣就係人都會怕咗佢...就晒佢
冇計...我已經好努力配合老師
應鬧則鬧...唔縱容
但得我一人做有鬼用咩
其他人(家人)唔完全配合
大比始終都唔會明...唔會驚
好似呢排我病
大比痴多咗比爸
佢而家覺得比爸好好架
因為少鬧佢...又會就住佢
我連比爸都省埋一份
你如果想你個女脾氣臭...冇人鐘意
你就繼續就佢賣佢怕驚佢喊啦
我而家日日都同大比洗腦
女呀女呀~~~你再曳...冇禮貌...郁啲又喊又發脾氣
冇人會鐘意你
冇人會同你玩
冇人錫你
讀書叻好重要
但性格唔好
任憑你點叻都冇用
希望大比唔好成為神憎鬼厭嘅人啦~~~
沒有留言:
張貼留言