http://anbesiu.blogspot.hk/2014/02/d1.html
D2 在此
http://anbesiu.blogspot.hk/2014/03/d2.html
D3 part 1 在此
http://anbesiu.blogspot.hk/2014/03/d3-part-1.html
話咁快又要lunch...但事實上...個肚真係未餓囉
今餐食羊
打羊邊爐...剛剛今天轉涼...所以食羊可保暖...保而不燥
湯底也是用羊嚟煲...但我食羊一般...加上呢個湯底我媽媽飲完就知我唔會飲...因為重藥材味外...最重要有當龜...我極麻麻
雖然個湯底我麻麻...食羊也麻麻(呢餐為比爸而設)...但我都未至於乜都唔食
個餃子OK架...係個皮厚啲...但入面啲羊肉一流
而其他食材
羊紅~~~好正
羊肚~~~爽
羊肉丸~~~彈牙
其實唔同你講話係羊肉...你以為食緊豬肉...因為一啲"蘇"味都冇...所以我OK...係香港我係絕少食羊
因為大比行完個公園已經瞓咗覺...我就抱住佢瞓...所以冇乜影到相
見我始終唔係太好食羊...所以叫咗個雞煲俾我...呢個雞煲對番港紙成百蚊...都唔平...但佢又真係幾好食...爆得好香...啲雞肉有口感...比爸話因禽流感唔會返大陸食雞...但呢煲嘢一上佢試咗一舊就係咁食...所以你話好唔好味呢
拿拿聲食飽又有下場...就係開枱...自從嫁俾比爸後...生埋大比...我係未打過麻雀
係回家前...大舅父帶我哋行吓街...等比爸睇吓梧州大約係點...行吓旅遊區...行吓食街...乜都有得食...如能住多幾天...可以搵日嚟食盡地道小食
又話食晚飯啦!!!返嚟呢度...已經忘記肚餓是如何的
今晚都係係屋苑間酒家食飯...不過啲菜式就唔同晒
炒甜豆蓮藕咁dry我麻麻
而清蒸桂花魚好滑...呢度冇海鮮食...要食都好貴同麻麻...食魚就要食河鮮...真係鮮甜滑
泰式鮮蝦勞伊麵...我食得半碗仔...想再添已經冇晒...我老豆仲話食都未食過...比爸話啲蝦勁爽
蒸排骨
芋頭煲...我冇食到...都唔係我杯茶
呢碟竹笙節瓜我又係食得少少咋...好快冇咗
冇計...要照顧大比...好食的就手快有手慢冇
呢碟牛仔骨又係好快被人消滅咗
呢碟燒乳豬好正...肉嫩又冇乜肥膏...皮又脆
上湯豆苗
今晚嘅主腳出場...食蛇
平時我哋食蛇...係唔會整蛇羹的...尤其係一條新鮮毒蛇...多數係會清水加蛇煲成湯...咁先原汁原味...不過因為比爸成日係香港食蛇羹...所以就話整一次蛇羹佢食...睇吓用真正毒蛇整嘅蛇羹有何分別
呢個蛇羹並唔似我哋係香港食開個啲...好多配料而真正蛇肉就極少...呢度真有蛇肉同雞肉...所以個羹望落係白色一遍
老實講...一條毒蛇咁整係有點浪費...我比較鐘意飲蛇湯...然後再炸蛇碌...這才是享受
呢個又係好食...係蛇血炒飯
西芹炒蛇皮...好爽口
呢個係成條蛇最貴的部份...蛇膽
如果劏蛇時我老爸在場...佢就會當場即食...但今次唔同...有大比在...比公公專登留番佢...冰糖川貝燉蛇膽
我迫咗大比飲了5啖...再想佢飲...佢已經死都唔肯開口...真係咁難飲咩...叫比爸飲...比爸又係苦口苦面...你哋唔飲我飲...我一飲...頂...一啲都唔難飲...有冰糖...甜中帶甘...比起剩飲蛇膽好好好多了...唔識貨就等我搞掂啦...哈哈哈~~~
係我鄉下食炒麵係好得意架...好似炒公仔麵咁...又係好好食
呢個餃子應該好好食吧...我冇食到呀...因為冇機會食到
但個黃糖糕就真係好食...我同比爸都唔太食馬拉糕之人...但都食完一件又一件...而且仲order多兩底回港添
食到飽飽...走去河堤邊...放埋未放晒嘅煙花...大比玩得好開心
然後回家執嘢啦...準備明天回程
我唔記得照低家裡六人枱上放滿明天我哋帶走的食糧...係好壯觀架...真係嚇死人
叉燒包 ~ 鹵雞腳 ~ 肥叉 ~ 燒腩仔 ~ 燒骨 ~ 扣肉 ~ 炒律子 ~ 糯米飯 ~ 黃糖糕
沒有留言:
張貼留言