http://anbesiu.blogspot.hk/2014/02/d1.html
D2 在此
http://anbesiu.blogspot.hk/2014/03/d2.html
正經事辦妥...今天就好好休息一天...明天就要走啦
一早就嚟"食通天"飲早茶...呢間嘢好多人食...雖然亞姨舅父同呢度啲經理比較熟絡...但都要9點前嚟擺定張枱先(係房嚟...我哋每次出街食飯都要坐房...唔坐大堂位的)...如果唔係...就要同其他人一樣慢慢等位了
話9點前要到酒樓...但我呢啲懶人...就梗係例遲啦...係張床碌完左又碌番右...比爸叫咗我N次起身...傻啦!!!難得大比醒咗又唔駛照顧佢...我梗係痴住張床有幾耐得幾耐...直到我老媽嚟趕客...先至滾水陸腳起身梳洗換衫出發
人人都到齊...我哋最遲到...呵呵呵~~~
未有嘢食住...就開賭先
啲嘢食陸陸續續上台...你一定唔會餓親...怕你食唔切就真
呢碟雞腳味道怪怪的...我唔like...大比食咗兩隻腳指就放底
蘿白糕同牛展我都係食得一件...轉個頭冇晒
湯河一般...啲粉厚咗啲
但係啲腸粉就好正...又薄又滑又多肉...都係食得一件又冇咗
我不食年糕的人...但呢碟年糕我OK...因為好似食緊炒腸粉咁
枱面經常都係常滿
蝦蛟...鳳瓜都好味
我唔食咸水角的...比爸話好味
豬腳勞粉我一般...因為佢係人哋坐月個啲酸醋味...我都唔食酸醋嘅
炒米粉就啱我啦...真係唔明佢哋炒粉麵個味道我好鐘意食...但唔多油架
燒賣一般...媽媽話佢啲肉唔夠鬆軟
生滾牛肉丸好食架...你睇吓一放底轉一圈後只剩兩粒就知啦
個糯米飯又係好好味...臘味又夠多...我哋order多碟帶回港
好多叉燒包呢...係唔係好好食...見人見智啦...因為大陸的叉燒包唔似香港般多肉多醬...佢哋少肉冇乜醬的...真係見到叉燒...如果鐘意少少肉志在食包如我99同我媽呢啲C9咁...就好愛佢...佢個包夠鬆軟...叫咁多籠係因為我哋會帶10籠包回港
食飽飽...去邊好呢...因為有大比係度...比公公就話帶佢去公園...睇動物...好呀...橫掂係香港都冇乜機會睇
個公園其實好耐架啦...所以地方唔係新淨...大陸地方就是多...一個山頭夠晒你行
園裡啲動物都冇乜生動...個個都困到痴痴呆呆坐埋一枱...有得食就食...有得瞓就瞓
比爸笑說唔好話啲動物...連園裡啲工作人員都係冇乜精神咁...哈~~~
唯一最有生氣的地方就係燒烤場...細舅父話如果我哋多住幾天...有一天可安排嚟呢度BBQ...哈...又係食~~~去動物園都要顧住食
動物園有兩區...一係食草動物...一係食肉動物
我哋先由公園門口搭園內車坐到第一區~食草動物區...你可以帶花生去餵佢哋
有河馬...梅花鹿...班馬...馬仔...各種鳥類...牛...猴子
而其中鳥類舍唔知係唔係H5N1關係...所以冇得入...話內部裝修喎!!!所以只能係外圍睇...入唔到裡面近距離欣賞
猴子算係最活躍架啦!!!
小牛牛都好活躍...因為啲人餵草佢哋食
但係啲草呢...只係我哋係山頭是旦採摘
大比最開心係餵牛仔...因為近距離同埋真係見到佢哋食...其餘餵花生嘅...大比唔識掉啲花生入籠...每次叫佢掉出去都係揸番係手中
行番落山去下一區
大陸啲複製品真係有一手的
落山經過遊戲攡位...本應我哋就冇意玩...但大比話要米奇...雖知係老翻...但大人見到啲細路鐘意...而且大人有得玩...有獎金細路又開心...佢哋都好積極癲埋一份
射波波...一蚊一槍...中30槍就可得米奇一隻
開頭係比公公同大舅父去射先...大家都係唔中多過中...之後我話射槍呢家嘢...搵我老公啦...佢成日上戰場...應該會有番咁上下水準
好彩...冇令人失望...幾乎百發百中...只射失了2槍...要乜公仔都輕易到手
本來中超過30槍的...但大比只愛米奇...所以換米奇算...有剩的...老板話就送20槍俾我哋...慢慢玩喎!!!
我亞媽猛咁叫我影底...呢啲叫有姿勢冇實際...哈哈~~~
然後我大舅父同細舅父互片...睇吓邊個射中多...又係賭錢
不過點都唔夠我老豆勁...開頭射時佢唔中...我都奇怪...我老豆以前都有玩開槍...冇理由唔會中架...難道退化得咁緊要
那!!!傻的人就中上當了...我老媽就見佢冇料到...話如果佢射5槍...5槍都中晒就俾佢50蚊人仔...哇哈哈~~~我老豆真係5槍都中晒...我老媽一路俾錢就一路喊老千...喊上當...唉!!!係你蠢姐~~~
之後就去食肉動物區
有駱駝...老虎...獅子...鱷魚...黑熊
點解會有一群鵝係中心嘅...俾佢哋食架?
定係啲鵝又係食肉架?
大比問點解冇大象嘅...我話有呀...畫咗係牆度啦~~~
其實公園仲有兒童區...又有遊戲區...但我哋又要趕下場食...所以睇完動物就算
又係複製品~~~願望樹
這就是槍擊之禮品~~~老米
D3 Part 2
http://anbesiu.blogspot.hk/2014/03/d3-part-2.html
沒有留言:
張貼留言