http://anbesiu.blogspot.hk/2014/02/d1.html
因為掛住食...所以有陣時都忘記要影底相
好似琴日返到亞姨屋企...其實已經食咗炒河同飲咗三碗土伏令煲龜湯...清一清啲濕毒
就算臨瞓前...見仲有湯剩...我都KO埋佢...因為呢啲湯...係香港跟本冇機會飲到
今日去拜外婆...真係上山個隻...仲要唔係有條四四正正嘅路上山...咁大個女...都係第一次行呢啲山路
雖然要上山但都唔駛朝咁早去...因為始終未到清明...我哋拜新山...唔會有人同我哋迫...加上...個山頭就真係得我媽媽個邊個嘅祖仙住...所以呢...邊會撞到其他人
九點幾起身...梳洗好就係街邊食個早餐...醫飽個肚先有力出發
就算係街邊煮嘅湯粉...都差極有個限...味道十足...大比食完一碗又一碗...勁~~~
之後我哋就坐小型麵包車入啲村莊地方...一架麵包車坐了10個人...比爸形容為好似準備去打仗咁...入到村啲路就好崎嶇...一路行一路震...仲唔似準備打仗呀...但大比就覺得越震就越開心...佢當坐緊冒險樂園啲玩具車
車只能到有路的地方...其餘再上山的...就要靠自己上去囉!!!
山上容易落山難...咁斜啲路...一陣落嚟都唔知點落好
終於見到外婆了...百般滋味在心頭
由山上望下...以前係一塊塊田地...而家全部起晒屋...磚頭永遠係最好嘅
我係有生以嚟第一次咁樣拜山...係香港因為爺爺麻麻係信天主教...而且香港拜山嘅地方都整得四四正正...所以唔辛苦之餘又簡單
呢次除了要上山...仲有一大串儀式...真係大開眼界
雖然話落山難...不過既然嚟拜先人...佢哋一定會保佑我哋上落都平安
不過呢...比爸隻手就無拿拿疼咗...唔痛架喎...只係疼痕
大比呢就揸香時唔小心hi親塊面...初時以為佢俾蚊咬...啲蚊真係咁餓...貼晒驅蚊貼又噴蚊怕水再帶埋手帶都有...後尾睇睇其實係啲燒著嘅香hi到塊面...比爸就心痛架...但我感覺唔大...小小一點姐...回家搽點蘆薈就冇事...或者係婆婆同比爸同大比打招呼嘅方式...順便怪責吓到而家先至嚟探望
係山上開咗一輪餐...落山後就話食lunch...唔係呀...雖然我係山上唔係食咗好多嘢...但真係唔覺肚餓喎...又食...比爸話...個肚未得閒過
又係是旦一間餐廳...但係啲餸一樣又好好味
都話未肚餓架嘛...如果啲餸冇番咁上吓味道...你根本唔會食
整碗湯先...只係簡單排骨煲白蘿白...好清甜
又雞...剛剛係山上先KO咗一隻...所以我只係食咗一件...不過呢味沙薑雞幾好食架
都係食啲菜好...係大陸...食菜係好味好多...因為夠新鮮
呢碟肉粹讓豆腐...因為佢每件都好精緻...所以一口一啖...外脆內軟
豬小肚...又係煎得好好味
呢碟豬手...如果你鐘意食爽皮的話...就一流啦
呢碟河鮮...係為咗比爸同大比...佢哋鐘意食蒸魚...呢啲魚仔係野生...又係香港冇得食...清蒸鮮甜又滑...成碟差不多係佢兩父女KO晒...我哋對蒸魚麻麻...所以佢哋肯食晒就最好...煎魚或炸魚才是我最愛...哈
我最愛的煎糉...係香港煎唔到呢隻香脆
大陸啲河粉係又幼又滑...所以差不多餐餐都要炒一碟當飯食
大比因為之前去運動會有點作病...所以唔好俾佢食太多煎炸嘢...所以另煮一碗湯河俾佢...餐廳幾好...話真有炒河冇湯河...如果唔怕等的話...佢哋去市場買湯河返嚟煮...因為湯河比炒河更薄更滑
點會介意等呀...又唔係趕時間
簡單一碗湯河...你話好唔好味...睇大比係咁自動食就知答案囉
今日天氣好好...又出太陽...可能我哋啲先人開心呀...我哋返去...所以大家都身水身汗...食飽咗...本想行吓街...但都係想回家沖番個靚涼好...然後眠吓...放假是這樣嘛
晚上就係亞姨個屋苑會所間餐廳食晚飯
前菜
青豆炒爉味
不是普通春卷...裡面全是咸蛋黃嚟架...啱晒我
蓮藕都唔爽嘅...我麻麻...我媽話我百痴...食爽唔食粉
又豬手呀
呢煲湯...只有雞...杞子...冬菇...好好飲...飲完用嚟陸菜...仲正
扣肉呀...食一舊已經夠皮
呢碟煎讓三寶...好味
燒豬頸肉...大比食了5條
呢啲炸魚先至啱我口味
中午食個啲河鮮...食多啲啦...返香港冇得食架
我食極都唔嚴的煎糭
煎包...又係好好味
呢碟扇貝呢...好味到冇朋友...啲粉絲入味到...我最鐘意係佢冇乜蒜容係面架
我都話啦...見炒粉多過見食飯
又食到抱住個肚走...
今晚有個特備節目...
就係...
去卡啦OK同我媽媽慶祝生日
因為過幾日就係我媽媽生日...難得佢返大陸...佢啲弟妹又齊人...所以就開番個party
大比第一次去唱K
唱歌啱晒大比...不過佢唱嚟唱去都係得幾首
"歲月如歌"
"你把我灌醉"
"我的歌聲裡"
唔識嘅...佢都會聽住音樂郁吓身
佢係唔係音樂方面有多少天份呢
原本諗住差不多12點先切蛋糕...但大比想去搵周公個孫啦...所以提早11點就切蛋糕當慶祝生日...呢次生日party...比婆婆話...下次都唔知係幾多年後...亦唔知會唔會再有...因為天時地利人和...邊有咁易夾到
開心滿滿...肚皮滿滿...又過一天
D3 part 1
http://anbesiu.blogspot.hk/2014/03/d3-part-1.html
沒有留言:
張貼留言