唔合理兼失望的回覆

早前去咗消委會投訴不良的洗衣店
(前文在此) ~ http://anbesiu.blogspot.hk/2014/04/blog-post_1464.html
經過一輪交涉
最終個結果係不良洗衣店話只肯賠番洗衣費俾我哋
連消委會對佢咁決定都好失望

原本我要求要番件完整嘅褸
洗衣店店主黃太就問我要佢哋賠番幾多錢
咁件褸真係係香港買唔到
去番日本買
就算有online shop
都唔知人哋肯唔肯寄嚟香港
我只想要衫唔要錢
我叫佢用佢方法買番件返嚟
俾埋網誌佢
但佢明顯態度係唔合作囉
仲叫番我自己去搞掂
睇吓要幾多錢喎
咁我話係唔係用咗幾多錢就實報實消先
之後就冇咗回應

消委會負責人不停同我跟進
之後話只可以賠到400蚊
因為生意小本經營等廢話解釋
我話我唔想周旋落去
開頭我話賠番網上報價嘅價錢對回港紙700蚊算
運費同其他我當黑仔蝕俾佢啦
自己去買番
然後回覆話佢哋都只係會賠400蚊
話我件褸都有著過
冇理由要賠十足
好...你同我講到折舊
就同你計折舊
一年點折你都冇理由減我300蚊架
我話600蚊已經係賠償最底價

到過個幾星期後嘅今天
消委會回番一個極之不滿的答案俾我
個位黃太話
佢問過朋友意見喎
話件褸佢哋都未洗過已爛
所以只會賠番洗衫錢俾我...四十幾蚊
哈哈哈...唔好話我好失望
連消委會都話對佢哋個答覆好失望同唔合理
我話之你有冇洗過件褸
我俾你之前係完整無缺
到你手後就爛咗
責任已經係你度啦
有冇洗過有邊個可作實
你講乜都得啦
最後消委會都同意我去向小額錢債處追討
我有證有據...合情合理...怕乜嘢
消委會仲提供協助點去知詢法律意見

我都好無耐
我都想快脆搞掂件事
我又唔係開天殺價唔合理賠償
但對方一再一再表現無良
如果一早咁堅決唔關你事
就唔會開口問我哋點賠償啦
證明錯一早就錯係你哋度
而家反而想推得一乾二淨

大家小心呢間店啦
我唔知咁樣公開啱唔啱
但個黃太表面笑騎騎
好似好好人咁囉
我唔想有下一個人上當
我就係有咗一次教訓都唔識醒
仲以為佢係好人囉


爛成咁
有乜可能我拎褸去洗時我自己唔知呀
就算我唔知
佢哋收褸時check褸都會睇到啦




比爸係網上搵埋資料
但人哋都冇誠意
懶懶閒
叫我哋自己搞掂
勁無耐

 

 

 

 

仲有呀
負責接佢哋啲衫去洗嘅葉生都唔係乜嘢態度好嘅人
有乜事都係第一時間推御責任
個間工場又冇地址又冇公司名
所以其實係非常冇保障
陰謀論嚟講
上次話唔見咗我件D&G羽絨
都唔知係唔係佢專登拎走去賣咗
賠番個800蚊俾我哋就叫算數
打電話同佢嘈啲態度又差
又唔認自己錯
一句唔知點解件褸會唔見
唔通佢有腳會自己走咩