就係大比學校開生日會之日
其實係唔係個個月生日嘅小朋友都一樣開心
會有特別餐單
有生日會舉行
有生日蛋糕食
放學時有小禮物
不過我都知如果係是月之星會梗開心囉
有一場班人同你慶祝
仲可以吹埋蠟燭
上星期五已收到學校給的祝福通告
可買個生日蛋糕回校一同慶祝
大比就不斷提醒要去訂蛋糕
好好好
上星期六就帶咗佢去美心訂
自己揀款式
唉~~~女仔之家要訂Thomas
叫佢訂kitty女仔啲點都唔肯
終於等到星期五啦
本來仲賴緊床嘅大比
一聽到話要去拎蛋糕
即刻彈起身
果然有動力人係會特別有精神
去到美心大比好緊張佢個蛋糕會係點
店鋪姐姐就佢俾佢睇清楚啲
大比睇到就~~~哇~~~一聲
開心到佢呢
拎好蛋糕就返學校
一路行大比就一路叮囑我
~~~媽咪小心啲呀!!!唔好整跌落地...小心啲行...唔好整爛...小心啲拎...知唔知?!~~~
頂!!!仲煩過我亞媽
不停係咁講
去到學校門口
大比就同老師講
我生日呀
有蛋糕
Thomas蛋糕呀
生日會學校會有特別餐單
今天大比除咗有美食...有蛋糕仲有唔少禮物
有的是同學仔媽咪整好的回禮零食包
也有吹波波
放學後係屋企樓下玩咗一陣
成日話玩多一次玩多一次
都唔知玩咗幾多N次
最後就係學校送的禮物
小手巾就係每位小朋友都會有的
而大份禮物就係當月生日的小朋友才有
水樽~~~大比鐘意呀
佢成日都要買水樽水杯
我屋企多到呢~~~
沒有留言:
張貼留言